ରାୟଗଡା: ଭୁବନେଶ୍ୱର ପୂର୍ବତଟ ରେଳପଥର ମହାପ୍ରବନ୍ଧକ ବିଦ୍ୟାଭୂଷଣ ଗୁରୁବାର ରାୟଗଡା ଗସ୍ତରେ ଆସିଥିଲେ । ବିଦ୍ୟାଭୂଷଣଙ୍କ ଏହା ଥିଲା ବାର୍ଷିକ ଗସ୍ତ । ସେ ଅମ୍ବାଦଳାଓ ବିଷମକଟକ ରେଳଷ୍ଟେସନ ପରିଦର୍ଶନ କରିଥିଲେ । ଏଥିସହ ନୂତନ ଭାବେ ଚାଲିଥିବା ତୃତୀୟ ଲାଇନ କାର୍ଯ୍ୟ ସହ ଅନ୍ୟାନ୍ୟ କାର୍ଯ୍ୟର ସମୀକ୍ଷା କରିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ବିଦ୍ୟାଭୂଷଣଙ୍କ ଗସ୍ତକୁ ଦୃଷ୍ଟିରେ ରଖି ଜିଲ୍ଲା ପରିଷଦ ସଭ୍ୟ ରାମଚନ୍ଦ୍ର ବେହେରା ଏବଂ ପୂର୍ବତନ ବିଧାୟକ ଅଞ୍ଚଳର ବିଭିନ୍ନ ଦାବି ସମ୍ପର୍କରେ ତାଙ୍କୁ ଜଣାଇଥିଲେ । ଏହି ଗସ୍ତରେ ଅନ୍ୟମାନଙ୍କ ମଧ୍ୟରେ ସମ୍ବଲପୁର ଡିଆରଏମ ଜୟଦୀପ ଗୁପ୍ତା, ପିଆରଓ ନିହାର ରଞ୍ଜନ ମିଶ୍ର ପ୍ରମୁଖଙ୍କ ସମେତ ବହୁ ରେଳ ବିଭାଗୀୟ ଅଧିକାରୀ ସାମିଲ ଥିଲେ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
