ରାୟଗଡ଼ା: ଭାରସାମ୍ୟ ହରାଇ ଓଲଟିଲା ସାର ବୋଝାଇ ଟ୍ରାକ୍ଟର। ରାୟଗଡା ଜିଲ୍ଲା କଲ୍ୟାଣସିଂହପୁର ଥାନା ଅନ୍ତର୍ଗତ କଞ୍ଜାମଯୋଡ଼ି ଗାଁ ନିକଟରେ ଭାରସାମ୍ୟ ହରାଇ ସାର ବୋଝାଇ ଟ୍ରାକ୍ଟର ଦୁର୍ଘଟଣା ଗ୍ରସ୍ତ ହେଇଛି । ଏଥିରେ ଡ୍ରାଇଭ ଆନନ୍ଦ ହିମିରିକାର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଟ୍ରାକ୍ଟରରେ ବସିଥିବା ଅନ୍ୟ ୬ ଶ୍ରମିକ ଗୁରୁତର ଅଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡ଼ା
ଗୁରୁତର ସମସ୍ତଙ୍କୁ ଆମ୍ବୁଲାନ୍ସ ଯୋଗେ କଲ୍ୟାଣସିଂହପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଟ୍ରାକ୍ଟରଟି କୋଲନରା ବ୍ଲକ୍ ଅଣ୍ଟାମଡା ଗାଁରୁ ଶିକରପାଈ ପଞ୍ଚାୟତ ଚକରକୁଲାଙ୍ଗ ଗାଁରେ ସାର ନେଇ ଫେରୁଥିଲା । ଫେରିବା ବାଟରେ କଞ୍ଜମାମାଣ୍ଡି ଗାଁ ନିକଟ ଗଡ଼ନ୍ତିଆ ରାସ୍ତାରେ ଭାରସାମ୍ୟ ହରାଇ ପଛପଟ ଡାଲା ଇଞ୍ଜିନଠାରୁ ଅଲଗା ହୋଇ ଇଞ୍ଜିନକୁ ଧକା ଦେବାରୁ ଓଲଟି ପଡିଥିଲା ଟ୍ରାକ୍ଟର । ଦୁର୍ଘଟଣା ଘଟିବା ପରେ ତୁରନ୍ତ ସ୍ଥାନୀୟ ବାସିନ୍ଦା ଘଟଣାସ୍ଥଳକୁ ପହଞ୍ଚି ସମସ୍ତଙ୍କୁ ଉଦ୍ଧାର କରିଥିଲେ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
