ରାୟଗଡା: ବିଷମକଟକ ଥାନା ଅନ୍ତର୍ଗତ କେରାଣ୍ଡିଗୁଡା ଗାଁ ନିକଟ ଜମିରେ କାମ କରୁଥିବା ବେଳେ ବଜ୍ରାଘାତରେ ଦୁଇ ଜଣଙ୍କ ମୃତ୍ୟୁ ଘଟିଥିବା ବେଳେ ଦୁଇଜଣ ଆହତ ହୋଇଛନ୍ତି । ବଜ୍ରାଘାତରେ ମୃତ ଓ ଆହତ କାଲିପଙ୍ଗା ଗ୍ରାମର ଓ ସମସ୍ତେ ଗୋଟିଏ ପରିବାରର । ମୃତକ ମାନେ ହେଲେ ବୁର୍ସା ମିଣିଆକା ଓ ତାଙ୍କ ସ୍ତ୍ରୀ ରାମି ମିଣିଆକା ।
ବଜ୍ରାଘାତରେ ଗୋଟିଏ ପରିବାରର 2 ମୃତ, 2 ଗୁରୁତର
ଆହତ ଦୁଇଜଣ ହେଉଛନ୍ତି କସ୍ତୁରା ମିଣିଆକା ଓ ମାଲା ମିଣିଆକା । ମୃତ ଦୁହେଁ ଶାଶୁ ଓ ଶଶୁର ହୋଇଥିବା ବେଳେ ଆହତ ମାନେ ପୁଅ ଓ ବୋହୂ ବୋଲି ଜଣାପଡିଛି । ଆହତ ଦୁହିଁଙ୍କ ଅବସ୍ଥା ଗୁରୁତର ରହିଛି ଏବଂ ସ୍ମାନେ ଏବେ ଚିକିତ୍ସାଧିନ ଅଛନ୍ତି । ଘଟଣା ସ୍ଥଳରେ ବିଷମକଟକ ପୋଲିସ ଏବଂ ରାଜସ୍ୱ ବିଭାଗ କର୍ମଚାରୀ ପାହାଞ୍ଚି ତଦନ୍ତ ଆରମ୍ଭ କରିଛନ୍ତି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
