ରାୟଗଡା: ନାବାଳିକା ଦୁଷ୍କର୍ମ ମାମଲାରେ ଦୋଷୀ ରାମନଦୋରା ସନ୍ତୋଷ କୁମାରଙ୍କୁ ଅତିରିକ୍ତ ଜିଲ୍ଲା ସେସନ ଜର୍ଜ ୧୧ ବର୍ଷ ସଶ୍ରମ କାରାଦଣ୍ଡାଦେଶ ସହ ୨୦ ହଜାର ଟଙ୍କା ଦଣ୍ଡିତ କରିଛନ୍ତି । ଉକ୍ତ ଅର୍ଥ ଅନାଦେୟ ହେଲେ ଅଭିଯୁକ୍ତକୁ କୋର୍ଟ ଆଉ ୧ ବର୍ଷ କାରାଦଣ୍ଡରେ ଦଣ୍ଡିତ ହେବ ବୋଲି ରାୟ ପ୍ରକାଶ କରିଛନ୍ତି । ଗତ ୨୦୧୯ ମସିହା ଫେବ୍ରୁଆରୀ ୨ ତାରିଖ ଦିନ କଲ୍ୟାଣସିଂହପୁର ଥାନା ଅଞ୍ଚଳର ରାମନଦୋରା ସନ୍ତୋଷ ଜଣେ ନାବାଳିକାକୁ ଗ୍ରାମର ଏକ କପାବାଡକୁ ନେଇ ସେଠାରେ ପ୍ରେମ ନିବେଦନ କରିଥିଲା । ପରେ ଉକ୍ତ ନାବାଳିକା ତାଠାରୁ ମୁକୁଳିବା ପାଇଁ ଚେଷ୍ଟା କରିଥିଲେ ସୁଦ୍ଧା ଅଭିଯୁକ୍ତ ପୀଡିତାକୁ ଦୁଷ୍କର୍ମ କରିଥିଲା ।
ଏନେଇ ନାବାଳିକା ଜଣକ ପରିବାର ଲୋକଙ୍କୁ ଅବଗତ କରାଇବା ପରେ ପରିବାର ଲୋକେ ଏନେଇ କଲ୍ୟାଣସିଂହପୁର ଥାନାରେ ଏକ ଅଭିଯୋଗ ପତ୍ର ଦାଖଲ କରିଥିଲେ । ଏନେଇ କଲ୍ୟାଣସିଂହପୁର ଥାନାରେ ଭାରତୀୟ ପିଙ୍ଗଳ କୋଡର ଧାରା ୩୪୧, ୫୦୬ ଓ ୩୦୬ରେ ଥାନା କେସ ନମ୍ବର ୧୭/୨୦୧୯ରେ ଏକ ମାମଲା ରୁଜୁ କରାଯାଇଥିଲା ।
ତେବେ ଆବଶ୍ୟକ ପ୍ରମାଣ ଓ ସାକ୍ଷ୍ୟଙ୍କ ବୟାନକୁ ଭିତ୍ତିକରି ଅତିରିକ୍ତ ସେସନ୍ ଜର୍ଜ ସୋନାଲି ପଟ୍ଟନାୟକ ଦୋଷୀ ରାମନଦୋରା ସନ୍ତୋଷ କୁମାରକୁ ୧୧ ବର୍ଷ ସଶ୍ରମ କାରାଦଣ୍ଡରେ ଦଣ୍ଡିତ କରିବା ସହ ତାକୁ ୨୦ ହଜାର ଟଙ୍କା ଜରିମାନରେ ଦଣ୍ଡିତ କରିଛନ୍ତି । ଏହି ମାମଲାରେ ଆଇନଜୀବୀ ବିରଜା ପାତ୍ର ସରକାରୀ ଓକିଲ ଭାବେ ମାମଲା ପରିଚାଳନା କରିଥିଲେ ।
ରାୟଗାଡାରୁ ରଞ୍ଜନ କୁମାର ରଥ, ଇଟିଭି ଭାରତ
