ପୁରୀ: କୋଭିଡରୁ ସୁସ୍ଥ ବ୍ୟକ୍ତିଙ୍କୁ ଦିଆଗଲା ଯୋଗାଭ୍ୟାସ ତାଲିମ । ପୁରୀ ଜିଲ୍ଲା ପ୍ରଶାସନ ପକ୍ଷରୁ ଅନୁଷ୍ଠିତ ହୋଇ ଯାଇଛି ଏହି ଯୋଗ ଭ୍ୟାସ କାର୍ଯ୍ୟକ୍ରମ । କୋରୋନା ମହାମାରୀରୁ ଆରୋଗ୍ୟ ଲାଭ କରି ଆସିଥିବା 200 ଜଣଙ୍କୁ ନେଇ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଭାରତ ସରକାରଙ୍କ ଆୟୁଷ ବିଭାଗ ଓ ରାଜ୍ୟ ସରକାରଙ୍କ ପରାମର୍ଶ ଓ ଗାଇଡଲାଇନକୁ ଅନୁପାଳନ କରି ପୁରୀର ବ୍ଲୁ-ଫ୍ଲାଗ ବିଚରେ ମୋ ବିଚ ଯୋଗ ଶିବିର ଅନୁଷ୍ଠିତ ହୋଇଥିଲା । ଯାହାର ମୁଖ୍ୟ ଲକ୍ଷ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବା ।
10ଟି ପେଣ୍ଡାଲରେ 200 ଜଣ ଉପସ୍ଥିତ ରହି ଏହି ଯୋଗ କରିଥିଲେ । ବିଭିନ୍ନ ବର୍ଗର ବ୍ୟକ୍ତି ତଥା ସେବାୟତ , ଗଣମାଧ୍ୟମ , ପୋଲିସ , ସରକାରୀ କର୍ମଚାରୀ ଓ ସାଧାରଣ ଲୋକ ଏହି ଶିବିରରେ ଯୋଗଦାନ କରିଥିଲେ । ପାରମ୍ପରିକ ଯୋଗ ମୁଦ୍ରା ଦ୍ବାରା କିଭଳି ଶରୀରରେ ରୋଗ ପ୍ରତିରୋଧକ ଶକ୍ତି ବୃଧି ହେବ ଏବଂ କୋରୋନାରୁ ମୁକ୍ତି ମିଳିବ ସେନେଇ 10ଜଣ ଟ୍ରେଣ୍ଡ ଯୋଗ ଶିକ୍ଷକ ଯୋଗ ଶିଖାଇଥିଲେ ।
ଭୋର 5ଟାରୁ ଏହି ଶିବିର ଆରମ୍ଭ ହୋଇଥିବା ବେଳେ ଆସନ୍ତାକାଲି ଏହାର ଉଦଯାପନୀ ଦିବସ |
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
