ବ୍ରହ୍ମଗିରି: ନଦୀକୁ ଡେଇଁ ଆତ୍ମହତ୍ୟା ଉଦ୍ୟମ କରିଛନ୍ତି ମହିଳା । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ବ୍ରହ୍ମଗିରି ଥାନା ଅନ୍ତର୍ଗତ ଖଜୁରିଅ ନିକଟ ବ୍ରହ୍ମପୁର ଗ୍ରାମରେ । ତେବେ ଆତ୍ମହତ୍ୟା ଉଦ୍ୟମ କରିଥିବା ଯୁବତୀ ଜଣକ ହେଲେ ବ୍ରହ୍ମପୁର ଗ୍ରାମର ପ୍ରମୋଦିନି ସାହୁ।
ସୂଚନା ଅନୁଯାୟୀ, ମହିଳା ଜଣକ ପାରିବାରିକ କଳହକୁ କେନ୍ଦ୍ର କରି ନିକଟରେ ଥିବା ଖଜୁରିଅ ସେତୁ ନିକଟରେ ଭାର୍ଗବୀ ନଦୀକୁ ଡେଇଁ ଆତ୍ମହତ୍ୟା ଉଦ୍ୟମ କରିଥିଲେ । ତେବେ ନିକଟରେ ଥିବା କିଛି ଲୋକ ଏହା ଦେଖି ଅଗ୍ନିଶମ ବିଭାଗକୁ ଖବର ଦେଇଥିଲେ । ଏନେଇ ଅଗ୍ନିଶମ ବାହିନୀ ଏବଂ ସ୍ଥାନୀୟ ଲୋକଙ୍କ ସହାୟତାରେ 2 କିମି ଦୂରରୁ ମହିଳା ଜଣଙ୍କୁ ଉଦ୍ଧାର କରଯାଇ ତାଙ୍କୁ ରେବଣା ନୂଆଗାଁ ସ୍ବାସ୍ଥ୍ୟ କେନ୍ଦ୍ରକୁ ନିଆଯାଇଥିଲା । ତେବେ ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ପୁରୀ ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଏହାଛଡା ତାଙ୍କ ସ୍ବାମୀଙ୍କ ନାମ ବିଶ୍ବମ୍ଵର ସାହୁ ବୋଲି ଜଣାପଡ଼ିଛି।
ଇଟିଭି ଭାରତ, ବ୍ରହ୍ମଗିରି
