ପୁରୀ: ଶୁକ୍ରବାର ମଧ୍ୟରାତ୍ରିରେ ଚନ୍ଦ୍ରରେ ଅବତରଣ କରିବ ଚନ୍ଦ୍ରଯାନ-2 । ଇସ୍ରୋ ପଠାଇଥିବା ଚନ୍ଦ୍ରଯାନ 2 ଚନ୍ଦ୍ର ପୃଷ୍ଠରେ ଅବତରଣ କରିବ । ତେଣୁ ସାରା ବିଶ୍ବ ଚାହିଁ ରହିଛି ଭାରତର ସଫଳତାକୁ ଦେଖିବା ପାଇଁ । ଆଉ ଏହି ମୂହୂର୍ତ୍ତରେ ବାଲୁକାକଳା ମାଧ୍ୟମରେ ଚନ୍ଦ୍ରଯାନ-2ର ସଫଳତାକୁ ନେଇ ଶୁଭେଚ୍ଛା ଜଣାଇଛନ୍ତି ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ।
ବାଲୁକା କଳାରେ ‘ଚନ୍ଦଯାନ-2’କୁ ସୁଦର୍ଶନଙ୍କ ଶୁଭେଚ୍ଛା
ପୁରୀ ବେଳାଭୂମିରେ ଆକର୍ଷଣୀୟ ବଲୁକା କଳାରେ ମହାକାଶର ପ୍ରତିକୃତି ସମେତ ଚନ୍ଦ୍ର ର ପ୍ରତିକୃତି ଏବଂ ଚନ୍ଦ୍ରାଯାନ ଚନ୍ଦ୍ର କକ୍ଷରେ ବୁଲୁଥିବା ଦୃଶ୍ୟ କୁ ସ୍ଥାନ ଦେଇଛନ୍ତି । ଜୟ ବିଜ୍ଞାନ, ଜୟ ଭାରତ ସ୍ଲୋଗାନ ମାଧ୍ୟମରେ ଇସ୍ରୋର ବୈଜ୍ଞାନିକଙ୍କୁ ଏଭଳି ଅଭିଯାନର ସଫଳତା କାମନା କରି ଅଭିନନ୍ଦନ ଜଣାଇଛନ୍ତି ସୁଦର୍ଶନ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
