ପୁରୀ: ଭାରସାମ୍ୟ ହରାଇ ଦଳ ପୂର୍ଣ୍ଣ ପୋଖରୀରେ ପଶିଲା କାର । ଫଳରେ ଘଟଣାସ୍ଥଳରେ ୨ ମୃତ । ଏଭଳି ଏକ ଘଟଣା ଘଟିଛି ପୁରୀ ସତ୍ୟବାଦୀ ବ୍ଲକ ଅଳଗୁମ ଗଙ୍ଗାବର ରାସ୍ତାରେ । ମୃତକ ବ୍ରହ୍ମପୁର ଅଞ୍ଚଳର ମହେଶ କୁମାର ସାହୁ ହୋଇଥିବା ବେଳେ ଅନ୍ୟ ଜଣଙ୍କ ପରିଚୟ ମିଳିପାରିନାହିଁ । ତେବେ କାର ଭିତରେ ୩ ଜଣ ଯାତ୍ରା କରୁଥିବା ବେଳେ କାରଟି କୌଣସି କାରଣରୁ ଭାରସାମ୍ୟ ହରାଇ ପୋଖରୀକୁ ଓଲଟି ପଡିଥିଲା ।
ଭାରସାମ୍ୟ ହରାଇ ଓଲଟିଲା କାର୍, ୨ ମୃତ
ଏନେଇ ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଥିଲା । ଏଥିରେ ମହେଶଙ୍କର ଦାଦା ସୁରକ୍ଷିତ ଥିବା ଜଣାପଡିଛି । ଏହି ଦୁଃଖନୀୟ ଖବର ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
