ଭୁବନେଶ୍ବର: ପୁରୀରେ କ୍ୟାପିଟାଲ ରିଜିଅନ ଅଫ ଅର୍ବାନ ଟ୍ରାନ୍ସପୋର୍ଟ(CRUT) ପକ୍ଷରୁ ଆଉ ଦୁଇଟି ନୂଆ ରୁଟ୍ ମୋ ବସ ସେବା ପ୍ରଦାନ କରିବାକୁ ଯାଉଛି । ରୁଟ ନଂ ୫୨ ଓ ୫୩ରେ କ୍ରୁଟ(CRUT) ପକ୍ଷରୁ ଏହି ସେବା ଯାତ୍ରୀଙ୍କୁ ପ୍ରଦାନ କରାଯିବ । ତେବେ ଏହି ଦୁଇ ରୁଟରେ ଏପ୍ରିଲ୍ ୧ରୁ ଯାତ୍ରୀ ପାଇ ପାରିବେ ମୋ ବସ ଯାତ୍ରାର ସେବା ।
ସେହିପରି ପୁରୀ ବସ ଷ୍ଟାଣ୍ଡରୁ ଭାୟା ପୁରୀ ରେଳ ଷ୍ଟେସନ ଦେଇ ଲାଇଟ ହାଉସ ପର୍ଯ୍ୟନ୍ତ ରୁଟ ନଂ-୫୨ରେ ମୋ ବସ ଗଡିବ । ଏଥିସହ ରୁଟ ନଂ-୫୩ ମାଳତୀପାଟଚପୁର ବସ ଷ୍ଟାଣ୍ଡରୁ ଭାୟା ଅଠରନଳା ଦେଇ ପୁରୀ ବସ ଷ୍ଟାଣ୍ଡ ପର୍ଯ୍ୟନ୍ତ ସେବା ପ୍ରଦାନ କରିବ ମୋ ବସ । ତେବେ ଏନେଇ କ୍ରୁଟ(CRUT) ପକ୍ଷରୁ ଏହି ସୂଚନା ପ୍ରଦାନ କରାଯାଇଛି ।
ଅନ୍ୟପଟେ ପୂର୍ବରୁ ମଧ୍ୟ ଭୁବନେଶ୍ବର ମାଷ୍ଟରକ୍ୟାଣ୍ଟିନ ଠାରୁ ପୁରୀ ବସ ଷ୍ଟାଣ୍ଡ ପର୍ଯ୍ୟନ୍ତ ୫୦ ନମ୍ବର ରୁଟରେ ଯାତ୍ରୀଙ୍କୁ ସେବା ପ୍ରଦାନ କରି ଆସୁଛି କ୍ରୁଟ(CRUT) । ସେହିଭଳି ରୁଟ ନମ୍ବର ୭୦ ମାଷ୍ଚରକ୍ୟାଣ୍ଟିନ ଠାରୁ କୋଣାର୍କ ପର୍ଯ୍ୟନ୍ତ ମୋ ବସ ସେବା ଜାରି ରହିଛି ।
