ପୁରୀ: ବାଲୁଖଣ୍ଡ ଅଭୟାରଣ୍ୟରେ ସାମ୍ବାଦିକଙ୍କୁ ମାଡମରା ଘଟଣାରେ ଦୃଢ଼ କାର୍ଯ୍ୟାନୁଷ୍ଠାନ ନେଇଛି ପୁରୀ ପୋଲିସ । ନିଲମ୍ବିତ ହୋଇଥିବା ବନ ବିଭାଗର ଦୁଇ କର୍ମଚାରୀଙ୍କୁ ପୋଲିସ ଗିରଫ କରିଛି । ଏନେଇ ପୁରୀ ପେଣ୍ଠକଟା ଥାନାରେ ଏକ ମାମଲା ରବିବାର ରୁଜୁ ହୋଇଥିଲା । ପୂର୍ବରୁ ଏହି ଘଟଣାରେ ବନବିଭାଗ ଦୁଇ ଜଣ କର୍ମଚାରୀଙ୍କୁ ନିଲମ୍ବିତ କରାଯାଇଛି । ପୋଲିସ ଗିରଫ କରିଥିବା ଦୁଇ ଅଭିଯୁକ୍ତ ହେଲେ ବାଲିଘାଇ ଫରେଷ୍ଟର ତପନ ନାୟକ ଓ ଫରେଷ୍ଟ ଗାର୍ଡ ବିରଜା ମହାପାତ୍ର ।
ପଢନ୍ତୁ:ପୁରୀ ସାମ୍ବାଦିକଙ୍କ ଉପରେ ଆକ୍ରମଣ ଘଟଣାକୁ ନେଇ ଯାଜପୁରରେ ପ୍ରତିବାଦ
ବାତ୍ୟା ଫନିର ବର୍ଷେ ପରେ ବାଲୁଖଣ୍ଡ ଅଭୟାରଣ୍ୟର ସ୍ଥିତି ପରଖିବାକୁ ରବିବାର ସକାଳୁ କିଛି ଗଣମାଧ୍ୟମର ପ୍ରତିନିଧି ସେଠାକୁ ଯାଇଥିଲେ । ଭିଡ଼ିଓ କରୁଥିବା ବେଳେ ଭିଡିଓ ସୁଟିଂ ପାଇଁ ବାରଣ କରିଥିଲେ ଓ ପରେ ଆକ୍ରମଣ କରିଥିଲେ ବାଲୁଖଣ୍ଡ ଅଭୟାରଣ୍ୟର ଦୁଇ ଫରେଷ୍ଟଗାର୍ଡ । ଏହାକୁ ନେଇ ଯୁକ୍ତିତର୍କ ହେବା ପରେ ଫରେଷ୍ଟଗାର୍ଡମାନେ ରିପୋର୍ଟର ଓ କ୍ୟାମେରାମ୍ୟାନଙ୍କ ଉପରେ ଆକ୍ରମଣ କରିଥିଲେ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
