ପୁରୀ : ଇଟା ଭାଟି ମାଲିକଙ୍କୁ ଦାଦାବଟି ମାଗିବା ଅଭିଯୋଗରେ ପିପିଲି ପୋଲିସ 2 ଜଣ ଯୁବକଙ୍କୁ ଗିରଫ କରିଛି । ଗିରଫ ଦୁଇ ଅଭିଯୁକ୍ତ ହେଲେ ପିପିଲି ସତାସ ଅଂଚଳର ମାନସ ପରିଡା ଓ କରୁଣାକର ପରିଡା ।
ପୋଲିସର ସୂଚନା ଅନୁଯାୟୀ, ପିପିଲି ଦାଣ୍ଡ ମୁକୁନ୍ଦପୁରର ଚୌଧୁରୀ ତ୍ରିଲୋଚନ ସାହୁ ଇଟା ଭାଟି ବ୍ୟବସାୟ କରନ୍ତି । ଦୁଇ ଗିରଫ ଅଭିଯୁକ୍ତ 25 ତାରିଖ ଦିନ 20 ହଜାର ଟଙ୍କା ଦାଦା ବଟି ତ୍ରିଲୋଚନ ସାହୁଙ୍କୁ ମାଗିଥିଲେ । ତେବେ ତ୍ରିଲୋଚନ ଦାଦା ବଟି ଦେବାକୁ ମନା କରିବାରୁ ଦୁଇ ପେଶାଦାର ଅପରାଧୀ ମାନସ ଓ କରୁଣାକର ତାଙ୍କୁ ବନ୍ଧୁକ ଦେଖାଇ ମାରି ଦେବାକୁ ଧମକ ଦେଇଥିଲେ। ଏନେଇ ସେ ଥାନାରେ ଅଭିଯୋଗ କରିବା ପରେ ପିପିଲି ପୋଲିସ ଦୁଇ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
