ଭୁବନେଶ୍ବର: ଆଜି ହେଉଛି ପବିତ୍ର ବାହୁଡା ଯାତ୍ରା । ଏଥିପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ଆଜି ତାଙ୍କର ଏହି ନବଦିନାତ୍ମକ ଯାତ୍ରାର ଅନ୍ତିମ ଦିନ । ପୁଣି ଥରେ ଶ୍ରୀମନ୍ଦିର ଅଭିମୁଖେ ଯାତ୍ରା କରୁଛନ୍ତି ତିନିଠାକୁର । ଗୁଣ୍ଡିଚା ମନ୍ଦିରରେ ଶ୍ରୀଜିଉଙ୍କ ସମସ୍ତ ନୀତିକାନ୍ତି ପରେ ରଥ ବିଜେ କରିଥିଲେ ତିନି ଠାକୁର ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଚତୁର୍ଦ୍ଧାମୂର୍ତ୍ତିଙ୍କୁ ବଡଦେଉଳକୁ ଆଣିବା ପାଇଁ ତାଙ୍କ ରଥକୁ ଟାଣି ନେଇଛନ୍ତି ଭକ୍ତ । ଏହି ସମୟରେ ମଝିରେ ମଝିରେ ରଥରେ ଲାଗୁଛି ବ୍ରେକ୍ । ତେବେ ରଥ ରହିବା ପରେ ଯେମିତି ଗଡି ନଯାଏ ସେଥିଲାଗି ବ୍ରେକ ଲଗାଯାଇଥାଏ । ତେବେ ଚଳିତ ବର୍ଷ ରଥରେ ଏହି ବ୍ରେକ ଦୌଡି ବଦଳରେ ଲୁହା ଶିକୁଳିର ଲାଗିଛି । ଯାହାର ଓଜନ ସାଢେ 3 ଟନର ହେବ ।
ପୁରୀରୁ ତାପସ ପରିଡା, ଇଟିଭି ଭାରତ
