ବ୍ରହ୍ମଗିରି: ଦେଶରେ ଲାଗିଛି କୋରୋନା କଟକଣା । ମହାମାରୀ କୋରୋନା ଭାଇରସକୁ ପ୍ରତିହତ କରିବା ପାଇଁ 21 ଦିନ ଧରି ସାରା ଦେଶରେ ଘୋଷଣା ହୋଇଛି ଲକଡାଉନ । କୌଣସି ଲୋକ ଘରୁ ବାହାରକୁ ନ ଆସିବା ପାଇଁ ବାରଣ କରାଯାଇଛି। ଏପରିସ୍ଥିତିରେ ବାର୍ଦ୍ଧକ୍ୟ ଭତ୍ତା ବଣ୍ଟନ ପାଇଁ ରାଜ୍ୟ ସରକାର ସ୍ବତନ୍ତ୍ର ନିୟମ କରିଛନ୍ତି।
ବ୍ରହ୍ମଗିରିରେ ଘରଘର ବୁଲି ବଣ୍ଟାଗଲା ଭତ୍ତା ଟଙ୍କା
ପଞ୍ଚାୟତ ଅଧିକାରୀମାନେ ପ୍ରତି ଗ୍ରାମର ପ୍ରତ୍ୟେକ ହିତାଧିକାରୀଙ୍କ ଦୁଆର ଦୁଆର ବୁଲି ଭତ୍ତା ଟଙ୍କା ବାଣ୍ଟିଛନ୍ତି । ତେବେ ଏହି ପଞ୍ଚାୟତ ଅଧିକାରୀମାନେ ସାମାଜିକ ଦୂରତା ରକ୍ଷା କରିବା ସହିତ ଲୋକମାନଙ୍କୁ ସଚେତନ କରୁଥିବାର ଦେଖାଦେଇଛି ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
