ପୁରୀ: ଆଜି ମହାପ୍ରଭୁଙ୍କ ପବିତ୍ର ସୁନାବେଶ । ଆଉ କିଛି ସମୟ ପରେ ମହଣ ମହଣ ସୁନାରେ ସଜ୍ଜିତ ହୋଇ ଦର୍ଶନ ଦେବେ କାଳିଆ ସାଆନ୍ତ । ମହାପ୍ରଭୁଙ୍କ ରାଜ ରାଜେଶ୍ବର ବେଶ ଦେଖିବାକୁ କୋଟି କୋଟି ଭକ୍ତ ଚାତକ ଭଳି ଅନେଇ ବସିଛନ୍ତି । ଆଉ ଏହି ପବିତ୍ର ସମୟରେ ପୁରୀରେ ଆରମ୍ଭ ହୋଇଯାଇଛି ବର୍ଷା । ଝିପି ଝିପି ବର୍ଷାରେ ଭିଜୁଛି ବଡଦାଣ୍ଡ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଭକ୍ତ-ଭଗବାନର ଅପୂର୍ବ ମିଳନ ସହ ଭକ୍ତି ଭାବର ବର୍ଷାରେ ଭିଜୁଛନ୍ତି ଭକ୍ତ । ବଡତଢାଉ ବେଶରେ ଦର୍ଶନ ଦେବେ ମହାବାହୁ । ଝିପି ଝିପି ବର୍ଷା ସତ୍ତ୍ବେ ବଡଦାଣ୍ଡ ଲୋକାରଣ୍ୟ । ରାତି 11ଟା ପର୍ଯ୍ୟନ୍ତ ମହାପ୍ରଭୁଙ୍କ ସୁନାବେଶ ଦେଖି ପାରିବେ ଭକ୍ତ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
