ପୁରୀ: ଚାଲିଛି ମହାପ୍ରଭୁଙ୍କ ପଞ୍ଚୁକ ନୀତି । ଏନେଇ ଶ୍ରୀକ୍ଷେତ୍ରକୁ ହଜାରହଜାର ଶ୍ରଦ୍ଧାଳୁଙ୍କ ସୁଅ ଛୁଟୁଥିବାରୁ ଟ୍ରାଫିକ ସମସ୍ୟା ଦେଖିବାକୁ ମିଳିଛି । ତେବେ ଶ୍ରୀମନ୍ଦିର ଚାରିପାଖରେ ଉଠା ଦୋକାନୀ ରାସ୍ତା ଉପରେ ବସି ରହିବା ଫଳରେ ଟ୍ରାଫିକ ସମସ୍ୟା ଗୁରୁତର ରୂପ ଧାରଣା କରିଛି ।
ପୁରୀରେ ଟ୍ରାଫିକ ଗୁରୁତର ଟ୍ରାଫିକ ସମସ୍ୟା, ଉଠା ଦୋକାନୀଙ୍କୁ ଉଠାଇଲା ପୋଲିସ
ଅନ୍ୟପଟେ ଭକ୍ତମାନେ ଯିବାଆସିବା ନେଇ ବହୁ ଅସୁବିଧା ର ସମ୍ମୁଖୀନ ହେଉଛନ୍ତି । ଏହାକୁ ନେଇ ଭକ୍ତ ମହଲରେ ତୀବ୍ର ଅସନ୍ତୋଷ ପରେ ପୁରୀ ପୋଲିସ ତତ୍ପର ହୋଇଛି । ଶ୍ରୀମନ୍ଦିର ଚାରି ପାଖ କୁ ନୋ ଭେଣ୍ଡିଂ କରାଯାଇଛି । ଭକ୍ତଙ୍କ ଯାତାୟତ ସୁବିଧା ପାଇଁ ଉଠା ଦୋକାନୀଙ୍କୁ ଉଚ୍ଛେଦ କରଯାଇଛି । ତେବେ ମାର୍କେଟ ଛକରୁ ଶ୍ରୀମନ୍ଦିର ଯାଏଁ ଉଠା ଦୋକାନୀ କବଜାରେ ବଡ଼ ଦାଣ୍ଡ ଥିବାରୁ ଟ୍ରାଫିକ ସମସ୍ୟା ଗୁରୁତର ହୋଇଥିବା ଦେଖିବାକୁ ମିଳିଛି । ଏଣୁ ଏହାର ସ୍ଥାୟୀ ପ୍ରତିକାର ପାଇଁ ବିଭିନ୍ନ ମହଲରେ ଦାବି ହୋଇଛି।
ଇଟିଭି ଭାରତ, ପୁରୀ
