ପୁରୀ : କିଏ ଦଖଲ କରିବ ପିପିଲି ? ବିଜେଡି ତାର ଗଡ ରକ୍ଷା କରିବାରେ ସମର୍ଥ ହେବା ନା ପିପିଲିରେ ନୂଆ ସମୀକରଣ ଏହି ଉପନିର୍ଵାଚନ ଠାରୁ ଆରମ୍ଭ ହେବ । ସେନେଇ ଚର୍ଚ୍ଚା ଚାଲିଥିବା ବେଳେ ନିର୍ବାଚନ ଜିତିବା ପାଇଁ ତିନି ପ୍ରମୁଖ ଦଳ ବିଜେଡି, ବିଜେପି ଓ କଂଗ୍ରେସ ତାର ପ୍ରାର୍ଥୀ ମାନଙ୍କୁ ଧରି ଜୋରଦାର କରୁଛି ପ୍ରଚାର । ବିଜେଡି ପ୍ରଚାର ମଇଦାନରେ ରାଜ୍ୟସଭା ସାଂସଦ ମୁନା ଖାଁକୁ ପିପିଲିରେ ଓହ୍ଲାଇ ସଂଖ୍ୟାଲଘୁ ଭୋଟ ହତେଇବା ପାଇଁ ଆରମ୍ଭ କରି ଦେଇଛି ଉଦ୍ୟମ । ପିପିଲିର ବିଭିନ୍ନ ସ୍ଥାନରେ ଥିବା ସଂଖ୍ୟାଲଘୁ ପାଖରେ ପହଞ୍ଚି ବିଜେଡିକୁ ଭୋଟ ଦେବାକୁ ଅନୁରୋଧ କରିଛନ୍ତି ସାଂସଦ ମୁନା ଖାଁ ।
ସେହିପରି ବିଜେଡି ନେତା ସଂଗ୍ରାମ କେଶରୀ ପାଇକରାୟ, ରୁଦ୍ର ମହାରଥୀଙ୍କୁ ସାଙ୍ଗରେ ଧରି ପିପିଲିର କଣ୍ଟି, ପାଣିଦୋଳ, ଦାଣ୍ଡମୁକୁନ୍ଦପୁର, କୁଳଶେଖରପାଟଣାରେ ଭୋଟ ଭିକ୍ଷା କରି ବାପାଙ୍କୁ ମିଳୁଥିବା ସ୍ନେହ ଶ୍ରଦ୍ଧା ତାଙ୍କ ଉପରେ ରଖିବାକୁ ଭୋଟର ମାନଙ୍କୁ ନିବେଦନ କରିଛନ୍ତି । ବିଜେଡି ପିପିଲିରେ ସବୁ ବର୍ଗର ଭୋଟରଙ୍କ ଠାରୁ ଭୋଟ ପାଇଁ ପିପିଲିରେ ବହୁମତ ହାସଲ କରିଵ ବୋଲି ଆଶାବାଦୀ ଥିବା ବେଳେ ବିଜେଡି ପ୍ରାର୍ଥୀ ପିପିଲିରେ ଉପନିର୍ଵାଚନରେ ମୁକୁଟ ପିନ୍ଧିବ ବୋଲି ଅ।ଶାବାଦୀ ଅଛି । ପିପିଲିରେ ଗତ ନିର୍ଵାଚନ ଠାରୁ ବହୁ ଅଧିକ ଭୋଟରେ ବିଜେଡି ପିପିଲି ଦଖଲ କରିବ ବୋଲି ଦୃଢୋକ୍ତି ପ୍ରକାଶ କରିଛି ବିଜେଡି ।
ସେପଟେ ବିଜେପି ପାଇଁ ପ୍ରଚାର ମଇଦାନକୁ ଓହ୍ଲାଇଛନ୍ତି ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ଵିତ ପାତ୍ର । ଆଜି ପିପିଲିର 16 ଗୋଟି ଏନଏଏସି, ପିପିଲିର ଯଶୁଆପୁର, ସହଜପୁର ଅଞ୍ଚଳରେ ଆଶ୍ରୀତଙ୍କ ପାଇଁ ଭୋଟ ଭିକ୍ଷା କରିଥିଲେ । ପିପିଲିରେ ଏଥର ପରିବର୍ତ୍ତନ ପାଇଁ ଲୋକ ମନ କରିଛନ୍ତି । ନିଶ୍ଚିତ ବିଜେପି ଜିତିବ ଓ ଦୀର୍ଘ ବର୍ଷ ଗୁଣ୍ଡାରାଜ ଶାସନରୁ ପିପିଲି ମୁକ୍ତ ହେବ ବୋଲି ସମ୍ବିତ କହିଛନ୍ତି ।
ଅପରପଟେ ପିପିଲି ଭୋଟର ଉଭୟ ବିଜେପି ଓ ବିଜେଡିକୁ ପ୍ରତ୍ୟାଖାନ କରି କଂଗ୍ରେସକୁ ବହୁମତ ଦେଇ ନିର୍ଵାଚିତ କରାଇବେ ବୋଲି କଂଗ୍ରେସ ନେତା ସୁର ରାଉତରାୟ କହିଛନ୍ତି । ଦରଦାମ ନିୟନ୍ତ୍ରଣ କରିବାରେ ବିଜେପି ଓ ବିଜେଡି ବିଫଳ ହୋଇଥିବାରୁ ପିପିଲି ଭୋଟର ପିପିଲିରେ ଭୋଟ କଂଗ୍ରେସ ସପକ୍ଷରେ ଦେବେ ବୋଲି ଅଶାବାଦୀ ରହିଛି କଂଗ୍ରେସ । କଂଗ୍ରେସ ପାଇଁ ସୁର ପିପିଲି ଲକ୍ଷ୍ମିନାରାୟଣପୁର ଅଞ୍ଚଳରେ ଭୋଟ ଭିକ୍ଷା କରିଥିବା ବେଳେ କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜ ଡେଲାଙ୍ଗ ଘୋରଡିଅ।, ସାଉରିଅ।, ଗୋଡିପୁଟ ମାଟିଆପଡା, ରେଙ୍ଗଳରେ ନିଜେ ନିଜ ପାଇଁ ପ୍ରଚାର କରି ଭୋଟ ଭିକ୍ଷା କରିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
