ପୁରୀ: ଜାତୀୟ ଚଳଚ୍ଚିତ୍ର ପୁରସ୍କାରରେ ଶ୍ରେଷ୍ଠ ଓଡିଆ ଫିଲ୍ମ ତାଲିକାରେ ବାଜି ମାରିଲା 3ଟି ଓଡିଆ ଫିଲ୍ମ । ଏହି ତାଲିକାରେ ରହିଛି ଶଲା ବୁଢାର ବଦଲା, କାଲିର ଅତୀତ ଯୁଗ୍ମ ଭାବେ ଶ୍ରେଷ୍ଠ ଓଡିଆ ଫିଲ୍ମ ଭାବେ ବିବେଚିତ ହୋଇଥିବାବେଳେ ନନ୍ ଫିଚର ବର୍ଗରେ ପୁରୀ ସାହିଜାତ ପରମ୍ପରାକୁ ନେଇ ନିର୍ମିତ ‘ଶ୍ରୀକ୍ଷେତ୍ରରୁ ସାହିଜାତ’ ଶ୍ରେଷ୍ଠ କଳା ଓ ସଂସ୍କୃତି ଫିଲ୍ମ ଭାବେ ଘୋଷିତ ହୋଇଛି।
'ଶ୍ରୀକ୍ଷେତ୍ରରୁ ସାହିଜାତ' ଫିଲ୍ମକୁ ଜାତୀୟ ଚଳଚ୍ଚିତ୍ର ପୁରସ୍କାର
ପୁରୀର ଲୋକ କଳା ଉପରେ ଆଧାରିତ ହୋଇଛି ଶ୍ରୀକ୍ଷେତ୍ରରୁ ସାହିଜାତ କ୍ଷୁଦ୍ର ପ୍ରମାଣିକ ଚଳଚ୍ଚିତ୍ର । ଏହି ଫିଲ୍ମର ନିର୍ମାତା ଓ ନିର୍ଦ୍ଦେଶକ ରହିଛନ୍ତି ପୁରୀର ଆଶୁତୋଷ ପଟ୍ଟନାୟକ। ପୁରସ୍କାର ବାବଦକୁ ଫିଲ୍ମ ନିର୍ମାତା ଆଶୁତୋଷଙ୍କୁ ରଜତ କମଲ୍ ଏବଂ 50 ହଜାର ଟଙ୍କା ମିଳିବ ।
ତେବେ ଏହି ସଫଳତାକୁ ନେଇ ସେ ବେଶ ଖୁସି ଥିବା କହିଛନ୍ତି ନିର୍ଦ୍ଦେଶକ ଆଶୁତୋଷ। ଅଗାମୀ ଦିନରେ ସେ ଆହୁରି ଲୋକ କଳା ଆଧାରିତ ଫିଲ୍ମ ନିର୍ମାଣ କରିବେ ବୋଲି ଆଶୁତୋଷ କହିଛନ୍ତି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
