ପୁରୀ: ସ୍ବର୍ଗଦ୍ବାରରେ ମୃତଦେହ ସତ୍କାର ଓ ସେଠାରେ ଉପଲବ୍ଧ ସେବା ସମ୍ପର୍କିତ ଫିଡ଼ ବ୍ୟାକ ନେବାପାଇଁ ପୁରୀ ଜିଲ୍ଲା ପ୍ରଶାସନ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା ଆରମ୍ଭ କରାଯାଇଛି। ସୂଚନା ନିମନ୍ତେ ଜିଲ୍ଲା ପ୍ରଶାସନ ପକ୍ଷରୁ ଟେଲିଫୋନ ନମ୍ବର ଜାରି କରାଯାଇଛି । ହେଲ୍ପଲାଇନ ନମ୍ବର ହେଲା -୦୬୭୫୨ ୨୯୧୨୯୧ ।
ସ୍ବର୍ଗଦ୍ବାରରେ ଉନ୍ନତି ଓ ସୌନ୍ଦର୍ଯ୍ୟକରଣ କାର୍ଯ୍ୟ ଜାରି ରହିଥିବାବେଳେ ମୃତଦେହ ସତ୍କାର ନିମନ୍ତେ ଆସୁଥିବା ପରିଜନ ଭଲ ଅନୁଭୂତି ନେଇ ଫେରିବେ । ଏଥିନିମନ୍ତେ ପେଶାଦାର ସେବା ଯୋଗାଇ ଦେବାକୁ ସମସ୍ତ ପଦକ୍ଷେପ ଗ୍ରହଣ କରାଯାଇଛି । ସତ୍କାର ପାଇଁ ଆସୁଥିବା ବ୍ୟକ୍ତି ବିଶେଷ ଉକ୍ତ ନମ୍ବରରେ ଟେଲିଫୋନ କରି ଦାହ ସମ୍ପର୍କିତ ସୂଚନା ପାଇପାରିବେ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
