ପୁରୀ: ପୁରୀ ସମୁଦ୍ରରୁ ଅବାଧରେ ଧରା ଯାଉଛି ସାର୍କ ମାଛ । ମତ୍ସ୍ୟଜୀବୀମାନେ ଜାଲରେ ଏହି ବିରଳ ମାଛକୁ ଧରୁଛନ୍ତି । ମତ୍ସ୍ୟଜୀବୀଙ୍କ ଠାରୁ ବାହାର ବ୍ୟବସାୟୀମାନେ ସେମାନଙ୍କ ଠାରୁ ଅତି କମ ଦାମରେ କିଣି ନେଇ ବିଦେଶକୁ ରପ୍ତାନୀ କରୁଛନ୍ତି । ଫଳରେ ମାଲାମାଲ ହେଉଛନ୍ତି ଅସାଧୁ ବ୍ୟବସାୟୀ । ଏପଟେ ଏହି ମାଛ ଧରୁଥିବା ଲୋକଙ୍କୁ ମିଳୁଛି ସାଧାରଣ ମାଛର ଦାମ । ଏଭଳି ଏକ ଦୃଶ୍ୟ ପୁରୀ ବେଳାଭୂମିରେ ଦେଖିବାକୁ ମିଳିଛି ।
ସମୁଦ୍ରରୁ ଏହି ବିରଳ ପ୍ରଜାତିର ସାର୍କ ମାଛ ଧରା ପଡ଼ିଥିଲା । ପ୍ରାୟ 20 ରୁ 25 କିଲୋ ଓଜନର ଏହି ସାର୍କ ମାଛ । ଜଣେ ସ୍ଥାନୀୟ ବ୍ୟବସାୟୀ ଏହି ସାର୍କକୁ ମାତ୍ର 3 ହଜାର ଟଙ୍କାରେ କିଣିଥିବା ବେଳେ 30 ହଜାର ଟଙ୍କାରେ ବିକ୍ରି କରିଥାନ୍ତି । ଏଭଳି ପ୍ରତ୍ୟେକ ଦିନ ଏହି ଶାର୍କ ମାଛ ଜାଲରେ ପଡୁଥିବା ମତ୍ସ୍ୟଜୀବୀ ମାନେ କହୁଥିବା ବେଳେ ସେମାନେ ଏହାକୁ ସାଧାରଣ ମାଛ ଭାବି ବିକ୍ରି କରୁଛନ୍ତି ।
ଏହି ପ୍ରଜାତିର ସାର୍କ ସାଧାରଣତଃ ପୁରୀ ସମୁଦ୍ରରେ ଦେଖାଯାଇଥାନ୍ତି । ଯାହାକି ଏହି ବିରଳ ସାର୍କ ହେଉଛନ୍ତି କାରକାନୀର ପ୍ରଜାତିର ବୋଲି ପୁରୀ ମତ୍ସ୍ୟ ବିଭାଗ କହିଛି । ଯାହାକି କେବଳ ପୁରୀ ସମୁଦ୍ରରେ ଦେଖାଯାଆନ୍ତି । ତେବେ ଏହି ବିରଳ ସାର୍କ ମାଛ ମରା ଉପରେ ମତ୍ସ୍ୟ ବିଭାଗ ନଜର ରଖିବା ସହ ଆଗାମୀ ଦିନରେ ଏନେଇ କାର୍ଯ୍ୟାନୁଷ୍ଠାନ ନେବ ବୋଲି କହିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
