ପୁରୀ: ରାତି ପାହିଲେ ସାରା ଦେଶ ପାଳିବ 74 ତମ ସ୍ବାଧୀନତା ଦିବସ । ଚଳିତବର୍ଷ କୋରୋନା କଟକଣା ଯୋଗୁଁ ରାଜ୍ୟର ସମସ୍ତ ଜିଲ୍ଲାରେ କୋଭିଡ ଗାଇଡଲାଇ ଅନୁଯାୟୀ ପ୍ରସ୍ତୁତି ହୋଇଛି । ଏହି ସ୍ବତନ୍ତ୍ର ଦିବସରେ ବିଶିଷ୍ଟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ଏକ ସୁନ୍ଦର ବାଲୁକାକଳା ତିଆରି କରିଛନ୍ତି ।
ବାଲୁକା କଳାରେ ସ୍ୱାଧୀନତା ଦିବସର ଅଭିନନ୍ଦନ
ବାଲୁକାକଳା ମାଧ୍ୟମରେ ସେ ସାରା ଦେଶବାସୀଙ୍କୁ ସ୍ବାଧୀନତା ଦିବସର ଅଭିନନ୍ଦନ ଜଣାଇଛନ୍ତି । ଏଥିସହ ଦେଶର ସୁରକ୍ଷାରେ ଥିବା ବୀର ଯବାନ ଏବଂ କୋଭିଡ ଭଳି ଅଦୃଶ୍ୟ ସଙ୍କଟରୁ ଦେଶବାସୀଙ୍କୁ ରକ୍ଷା କରିଥିବା କୋରୋନା ଯୋଦ୍ଧାଙ୍କୁ ସାଲ୍ୟୁଟ କରିଛନ୍ତି ।
ଏଥିପାଇଁ ସେ ନିଜ ବାଲୁକା କଳାରେ ବାର୍ତ୍ତା ରଖିଛନ୍ତି 'ସାଲ୍ୟୁଟ ଟୁ ଅଲ ୱାରିୟର୍ସ' । ପୁରୀ ବେଳାଭୂମିରେ ନିର୍ମିତ ଏହି ବାଲୁକାକଳା ବେଶ ଆକର୍ଷଣୀୟ ହୋଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
