ପୁରୀ: ମେ ମାସର ଦ୍ବିତୀୟ ରବିବାରକୁ ସାରା ଭାରତବାସୀ ମାତୃ ଦିବସ ଭାବେ ପାଳନ କରିଥାନ୍ତି । ଆନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ବାଲୁକା କଳା ମାଧ୍ୟମରେ ଏହି ଦିବସର ଅଭିନନ୍ଦନ ଜଣାଇଛନ୍ତି । କିନ୍ତୁ ଚଳିତ ବର୍ଷ ମାତୃ ଦିବସରେ ଏକ ଭିନ୍ନ ଧରଣର ବାର୍ତ୍ତା ରହିଛି । ଚଳିତ ବର୍ଷ ସାରା ବିଶ୍ବ କୋରୋନା ମହାମାରୀକୁ ନେଇ ସାରା ବିଶ୍ବ ଆତଙ୍କିତ ଅବସ୍ଥାରେରେ ଥିବା ବେଳେ ମା ମାନଙ୍କର ଭୂମିକାକୁ ଏହି ବାଲୁକା କଳାରେ ଦର୍ଶାଯାଇଛି।
ବାଲୁକା କଳାରେ ମାତୃ ଦିବସର ଶୁଭେଚ୍ଛା
ମା ମାନଙ୍କୁ କୋଭିଡ ଯୋଦ୍ଧା ଭାବେ ବର୍ଣ୍ଣନା କରାଯାଇଛି । ସେହି ମା ଆଜି ଡ଼କ୍ଟର ,ପୋଲିସ କର୍ମଚାରୀ ,ସଫେଇ କର୍ମଚାରୀ ,ସମାଜସେବୀ ହୋଇ ବିଭିନ୍ନ କାର୍ଯ୍ୟ କ୍ଷେତ୍ରରେ ନିଜର କାର୍ଯ୍ୟ ସଠିକ ଭାବେ ପାଳନ କରୁଛି । ଫଳରେ ସାରା ବିଶ୍ବ ଏବେ ମା ପଣତକାନି ଭିତରେ ଆଶ୍ରୟ ନେଇ ସୁରକ୍ଷିତ ରହିଛି । ଏହି ଅବସରରେ ମା ତୁଝେ ସଲାମର ବାର୍ତ୍ତା ଦେଇଛନ୍ତି ଅନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ।
ପୁରୀରୁ ଶକ୍ତି ପ୍ରସାଦ ମିଶ୍ର , ଇଟିଭି ଭାରତ
