ପୁରୀ: ନୂଆ ଜିଲ୍ଲାପାଳ ଭାବେ ଦାୟିତ୍ୱ ନେଲେ ସମର୍ଥ ବର୍ମା । ପୁରୀର ପୂର୍ବତନ ଜିଲ୍ଲାପାଳ ବଲଓ୍ବନ୍ତ ସିଂ ସମର୍ଥ ବର୍ମାଙ୍କୁ ଦାୟିତ୍ୱ ହସ୍ତାନ୍ତର କରିଛନ୍ତି ।
ଏହି ସମୟରେ ଅତିରିକ୍ତ ଜିଲ୍ଲାପାଳ ଓ ଉପଜିଲ୍ଲାପାଳ ଉପସ୍ଥିତ ଥିଲେ । ଦାୟିତ୍ୱ ନେବା ପରେ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିଛନ୍ତି ନୂତନ ଜିଲ୍ଲାପାଳ ସମର୍ଥ ବର୍ମା । ତେବେ ଶ୍ରୀମନ୍ଦିରରେ କିଭଳି ଭକ୍ତ ଭଲରେ ଦର୍ଶନ କରିବେ ତାହା ଏବେ ନୂତନ ଜିଲାପାଳଙ୍କର ମୁଖ୍ୟ ଦାୟିତ୍ୱ ରହିବ । ସେହିପରି ପୁରୀକୁ ହେରିଟେଜ ସିଟି କରିବା କାର୍ଯ୍ୟ ମଧ୍ୟ ତାଙ୍କର ମୁଖ୍ୟ କାର୍ଯ୍ୟ ରହିବ ବୋଲି ଆଲୋଚନା ହେଉଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
