ପୁରୀ: ଉଦଯାପିତ ହେଲା ସଡକ ସୁରକ୍ଷା ମାସ । ଏନେଇ ଏକ କାର୍ଯ୍ୟକ୍ରମ ସ୍ଥାନୀୟ ନିଳାଦ୍ରି ବେଳାଭୂମିରେ ଅନୁଷ୍ଠିତ ହୋଇଯାଇଛି । ତେବେ ଗତ ମାସ ୧୮ ତାରିଖରୁ ଏହି ମାସ ପାଳିତ ହୋଇଛି । ଆଞ୍ଚଳିକ ପରିବହନ କାର୍ଯ୍ୟାଳୟ, ରୋଟାରୀ କ୍ଲବ, ପୁରୀ ସାଇକେଲ କ୍ଲବ, ୱାଇଏଫଏସ ମିଳିତ ସହଯୋଗରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପରିବହନ କମିଶନର ସଞ୍ଜିବ କୁମାର ପଣ୍ତା ମୁଖ୍ୟ ଅତିଥି ଭାବେ ଯୋଗ ଦେଇ ସଡକ ସୁରକ୍ଷା ଉପରେ ଗୁରୁତ୍ବ ଦେଇଥିଲେ । ଏହି ଅବସରରେ କୋରୋନା ସମ୍ମୁଖ ଯୋଦ୍ଧା ଭାବେ ୪୦ ଜଣ ଆମ୍ବୁଲାନ୍ସ ଡ୍ରାଇଭରଙ୍କୁ ପୁରସ୍କୃତ କରାଯାଇଥିଲା ।
ଉଦଯାପିତ ହେଲା ପୁ୍ରୀର ଜାତୀୟ ସଡକ ସୁରକ୍ଷା ମାସ
ତେବେ ଯୁଗବ୍ରତ କର ଏହି କାର୍ଯ୍ୟକ୍ରମ ପରିଚାଳନା କରିଥିବା ବେଳେ ଆଞ୍ଚଳିକ ପରିବହନ ଅଧିକାରୀ ସମୀର କୁମାର ଦଳାଇ, ଅତିରିକ୍ତ ଆରକ୍ଷୀ ଅଧିକ୍ଷକ ପ୍ରଫୁଲ୍ଲ ଚନ୍ଦ୍ର ବଡଜେନା ପ୍ରମୁଖ ଉପସ୍ଥିତ ଥିଲେ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
