ପୁରୀ: ବ୍ରହ୍ମଗିରି ନିର୍ବାଚନ ମଣ୍ଡଳୀର 222 ନଂ ଓ 62 ନଂ ବୁଥ ସମେତ ସତ୍ୟବାଦୀ ନିର୍ବାଚନ ମଣ୍ଡଳୀର 78 ନମ୍ବର ବୁଥରେ ସାନି ମତଦାନ ଅନୁଷ୍ଠିତ ହେଉଛି । ନିର୍ବାଚନ କମିଶନଙ୍କ ନିର୍ଦ୍ଦେଶ ଅନୁଯାୟୀ ଏହି ସ୍ଥାନ ଗୁଡିକରେ ସାନି ମତଦାନ ହେଉଛି । ଏଥିପାଇଁ ପୋଲିସ ପକ୍ଷରୁ କଡା ନିରାପତ୍ତା ବ୍ୟବସ୍ଥା ଗ୍ରହଣ କରାଯାଇଛି।
ସତ୍ୟବାଦୀ ନିର୍ବାଚନ ମଣ୍ଡଳୀ ଅନ୍ତର୍ଗତ ଦିବ୍ୟସିଂହପୁର ପଞ୍ଚାୟତ ବୀରକିଶୋରପୁର ଗ୍ରାମର 78 ନମ୍ବର ବୁଥରେ ଗତ ମାସ 23 ତାରିଖର ନିର୍ବାଚନରେ ବିଜେପି ବିଧାୟକ ପ୍ରାର୍ଥୀ ଓମ ପ୍ରକାଶ ମିଶ୍ର ଓ ତାଙ୍କ ସମର୍ଥକମାନେ ବୁଥରେ ଗଣ୍ଡଗୋଳ କରିଥିବା ଅଭିଯୋଗକୁ ନେଇ ପୁନର୍ବାର ମତଦାନ ହେଉଛି । ସେହିପରି ବ୍ରହ୍ମଗିରି ନିର୍ବାଚନ ମଣ୍ଡଳୀର 222 ନଂ ବୁଥର କମାଶାସନ ଓ 62 ନମ୍ବର ବୁଥର ବାଘମୁଣ୍ଡାରେ ସାନି ମତଦାନ ହେଉଛି । ଏହି ବୁଥ ଦୁଇଟିରେ ଭୋଟ ଗ୍ରହଣରେ ବ୍ୟତିକ୍ରମକୁ ନେଇ ପୁନର୍ବାର ମତଦାନ ହେଉଛି । ସକାଳୁ ମକ୍ ପୋଲିଂ ପରେ ଏସବୁ ସ୍ଥାନରେ ମତଦାନ ଆରମ୍ଭ ହୋଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
