ପୁରୀ: ଦୁର୍ଦ୍ଦାନ୍ତ ଅପରାଧୀ ପାରା ଓରଫ ସଂଜୟ ବେହେରା ହତ୍ୟାକାଣ୍ଡ ଘଟଣାରେ ଆଉ 3 ଜଣ ଅଭିଯୁକ୍ତ ଗିରଫ । ଗିରଫ ପରେ ସେମାନଙ୍କୁ ପୁରୀ ପୋଲିସ କୋର୍ଟ ଚାଲାଣ କରିଛି । ପୂର୍ବରୁ ଏହି ହତ୍ୟାକାଣ୍ଡ ଘଟଣାରେ ମୁଖ୍ୟ ଅଭିଯୁକ୍ତ ଡେଙ୍ଗା ମୁନା ଓରଫ ରମେଶ ପରିଡା ସହିତ 8 ଜଣଙ୍କୁ ପୋଲିସ ଗିରଫ କରିଥିଲା ।
ମୋଟ 11 ଜଣ ଏହି ଘଟଣାରେ ସମ୍ପୃକ୍ତ ଥିବାବେଳେ 3 ଜଣ ଫେରାର ଅପରାଧୀଙ୍କୁ ଜିଲ୍ଲା ବାହାରୁ ପୋଲିସ ଚଢାଉ କରି ଗିରଫ କରିଛି । ଗିରଫ ଅଭିଯୁକ୍ତ ହେଲେ ପ୍ରଦୀପ ନାୟକ, ବବିନା ପରିଡା ଓ ମିଲନ ମିଶ୍ର । ଏହି 3 ଅଭିଯୁକ୍ତଙ୍କ ଠାରୁ 2ଟି ବନ୍ଧୁକ ଜବତ ହୋଇଛି ।
ଗତ 2018 ମସିହା ଡିସେମ୍ବର 25 ତାରିଖରେ ଗୁଣ୍ଡିଚା ମନ୍ଦିର ନିକଟରେ ଏହି ହତ୍ୟାକାଣ୍ଡ ଘଟିଥିଲା । ଅଭିଯୁକ୍ତମାନେ ହାର୍ଡକୋର କ୍ରିମିନାଲ ପାରାକୁ ଅତି ନିକଟରୁ ଗୁଳି କରି ହତ୍ୟା କରିଥିଲେ । ଦୁଇ ଗ୍ୟାଙ୍ଗ ବିବାଦକୁ ନେଇ ଏହି ହତ୍ୟାକାଣ୍ଡ ଘଟିଥିଲା ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ