ପୁରୀ: ମାଳତୀପାଟପୁର ଷ୍ଟେସନ ନିକଟରେ ଅଘଟଣ । ପୁରୀ- ହାଓ୍ୱଡା ଏକ୍ସପ୍ରେସ ଲାଇନଚ୍ୟୁତ (Puri Howrah Express derails near Malatipatapur station in Puri) । ପୁରୀ ମାଳତିପାଟପୁର ଠାରେ ଏହି ଏକ୍ସପ୍ରେସର ୩ଟି ବଗି S1, S2, S3 ଲାଇନଚ୍ୟୁତ ହୋଇଛି । ତେବେ ଏହି ସମୟରେ ଟ୍ରେନରେ କେହି ଯାତ୍ରୀ ନଥିବା ଜଣାପଡ଼ିଛି । ଫଳରେ ଏକ ବଡ଼ ଧରଣର ଅଘଟଣ ଟଳି ଯାଇଛି ।
ପୁରୀ- ହାଓଡା ଏକ୍ସପ୍ରେସ ଲାଇନଚ୍ୟୁତ, ମାଳତୀପାଟପୁର ଷ୍ଟେସନ ନିକଟରେ ଅଘଟଣ
ସୂଚନା ଅନୁସାରେ ଦୁର୍ଘଟଣାଗ୍ରସ୍ତ ଟ୍ରେନ ୮ଟା ୧୫ ସମୟରେ ଯାତ୍ରୀଙ୍କୁ ନେଇ ପୁରୀ ଷ୍ଟେସନରୁ ହାଓ୍ୱଡା ଅଭିମୁଖେ ଯାତ୍ରା କରିବାର ସୂଚୀ ରହିଥିଲା । ମାତ୍ର ଏହାର କିଛି ମିନିଟ ପୂର୍ବରୁ ଗାଡିଟି ସର୍ଟିଙ୍ଗ ସମୟରେ ନିୟନ୍ତ୍ରଣ ହରାଇ ଲାଇନଚ୍ୟୁତ ହୋଇଥିବା ସୂଚନା ମିଳିଛି । ତେବେ ଏହି ସମୟରେ ଟ୍ରେନରେ କୌଣସି ଯାତ୍ରୀ ନଥିବା ହେତୁ ଏକ ବଡ ଧରଣର ଅଘଟଣ ଟଳି ଯାଇଛି । ଏନେଇ ରେଲୱେ ଅଧିକାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ତେବେ ପୁରୀକୁ ଟ୍ରେନ ଚଳାଚଳ ସ୍ବାଭାବିକ ରହିଛି ।
ଇଟିଭି ଭାରତ, ପୁରୀ
