ପୁରୀ: ସୋମବାର ଶ୍ରୀମନ୍ଦିର ପରିଚାଳନା କମିଟି ବୈଠକ ନିଳାଦ୍ରୀ ଭକ୍ତ ନିବାସରେ ଆରମ୍ଭ ହୋଇଛି । ଏହି ବୈଠକ ଗଜପତିଙ୍କ ଅଧ୍ୟକ୍ଷତାରେ ବସିଥିବା ବେଳେ ପୁରୀ ହେରିଟେଜ ପ୍ରକଳ୍ପର ଚୂଡାନ୍ତ ଡି଼ଜାଇନ ଏହି ବୈଠକରେ ପାରିତ ହେବ ବୋଲି ଜଣାପଡିଛି ।
ମୁଖ୍ୟତଃ ଏହି ବୈଠକରେ ହେରିଟେଜ ସିଟିର ଚୂଡାନ୍ତ ଡିଜାଇନ ବୈଠକରେ ପାରିତ ହେବ। ପୂର୍ବରୁ ଏହି ହେରିଟେଜ କରିଡର ଏବଂ ଶ୍ରୀମନ୍ଦିର ସୌନ୍ଦର୍ଯ୍ୟକରଣ ଡିଜାଇନର ନକ୍ସା ମହାପ୍ରଭୁଙ୍କ ନିକଟରେ ଅର୍ପଣ କରାଯାଇଥିଲା । ପ୍ରତେକ କାର୍ଯ୍ୟ ଆରମ୍ଭ ହେବା ପୂର୍ବରୁ ମହାପ୍ରଭୁଙ୍କ ଆଶୀର୍ବାଦ ନେଇ କରାଗଲେ ଏହା ସଫଳ ହୋଇଥାଏ ବୋଲି ବିଶ୍ବାସ ରହିଥିବାରୁ ମହାପ୍ରଭୁଙ୍କୁ ନକ୍ସା ଅର୍ପଣ କରାଯାଇଥିଲା । ଏହା ପରେ ପ୍ରଭୁ ଜଗନ୍ନାଥଙ୍କ ଆଶୀର୍ବାଦରୁ ପୁରୀ ହେରିଟେଜ ପ୍ରକଳ୍ପ ସଫଳ ହେବ ବୋଲି ଆଶା କରାଯାଇଛି ।
ଗଜପତିଙ୍କ ଅଧ୍ୟକ୍ଷତାରେ ଆରମ୍ଭ ହୋଇଥିବା ଏହି ବୈଠକରେ ଶ୍ରୀମନ୍ଦିର କାର୍ଯ୍ୟକାରୀ ସଭାପତି ସୁରେଶ ମହାପାତ୍ର, ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିସନ କୁମାର, ପୁରୀ ଜିଲ୍ଲାପାଳ ଓ ଏସପିଙ୍କ ସମେତ ଶ୍ରୀମନ୍ଦିର ପରିଚାଳନା କମିଟିର ସଦସ୍ୟମାନେ ଉପସ୍ଥିତ ରହିଥିଲେ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
