ପୁରୀ: ସହରକୁ ଐତିହ୍ୟ ନଗରୀ ଭାବେ ଗଢି ତୋଳିବା ନେଇ ରାଜ୍ୟ ସରକାର ଆରମ୍ଭ କରିଛନ୍ତି ନିର୍ମାଣ କାର୍ଯ୍ୟ । ତେବେ ଶ୍ରୀମନ୍ଦିର ପାଖରେ ଥିବା ତିନୋଟି ମଠ ଉଚ୍ଛେଦ ପରେ ଜାଗା ଗୁଡିକୁ ସମତୁଲ କରାଯାଉଛି । ଏଥି ସହିତ ଉଚ୍ଛେଦ ସ୍ଥଳରେ ଟାଇଲ ବିଛାଇ ଆକର୍ଷଣୀୟ ମଧ୍ୟ କରାଯାଉଛି ।
ନିର୍ମାଣ ପ୍ରକ୍ରିୟା ଚାଲୁ ରଥିବାରୁ ଏଥିପାଇଁ ଉଚ୍ଛେଦ ପ୍ରକ୍ରିୟା ବନ୍ଦ ରହିଛି । ତେବେ ଦିନେ ଦୁଇ ଦିନ ଭିତରେ ଉଚ୍ଛେଦ ପ୍ରକ୍ରିୟା ପୁଣି ଆରମ୍ଭ ହେବ । ଏମାର ମଠ ନିକଟରେ ଥିବା ମଙ୍ଗୁ ମଠ ଓ ସାନ ଛତା ମଠ ଉଚ୍ଛେ ହେବ । ସେ ନେଇ ଜିଲ୍ଲା ପ୍ରଶାସନ ତରଫରୁ ମାପଚୁପ ସରିଛି । ଅନ୍ୟପଟେ ପୁରୀ ସହର ବିକାଶ ନେଇ ପାଞ୍ଚ ଜଣ ନୂଆ ଆଇଏଏସ ଅଫିସର ମାନେ ଜିଲ୍ଲାପାଳ ବଲଓ୍ବନ୍ତ ସିଂଙ୍କୁ ଭେଟି ବିଭିନ୍ନ ପ୍ରକଳ୍ପ କାର୍ଯ୍ୟ କିଭଳି ଆଗେଇବ ସେ ନେଇ ଆଲୋଚନା କରିଛନ୍ତି ।
ମୁଖ୍ୟତ ବଡ଼ ଦାଣ୍ଡ ଓ ଶ୍ରୀମନ୍ଦିରର ସୌନ୍ଦର୍ଯ୍ୟକରଣ, ରଘୁ ନନ୍ଦନ ଲାଇ ବ୍ରେରୀର ପୁନଃ ନିର୍ମାଣ କାର୍ଯ୍ୟ, ଟ୍ରାମ୍ପେଟ ବ୍ରିଜ ସହିତ ଜଗନ୍ନାଥ ବଲ୍ଲଭର ବିକାଶ କାର୍ଯ୍ୟ ସହିତ ବିସ୍ଥାପିତ ଲୋକଙ୍କୁ ଉପଯୁକ୍ତ ଥଇଥାନ ନେଇ ପୁରୀ ଜିଲାପାଳଙ୍କୁ କାର୍ଯ୍ୟରେ ସହଯୋଗ କରିବେ । ଦୁଇ ବର୍ଷ ଭିତରେ ପୁରୀ କୁ ଐତିହ୍ୟ ନଗରୀ କରିବାକୁ ନିର୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ । ତେଣୁ ସମସ୍ତ କାର୍ଯ୍ୟକୁ ନିଷ୍ଠାର ସହ ସବୁ ବର୍ଗର ଲୋକଙ୍କୁ ନେଇ ଜିଲା ପ୍ରଶାସନ କାର୍ଯ୍ୟ କରିବ ବୋଲି କହିଛନ୍ତି ପୁରୀ ଜିଲ୍ଲାପାଳ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
