ପୁରୀ: ମହାପ୍ରଭୁ ଅଣସର ପିଣ୍ଡିରେ ଅଣସର ସେବା ପାଉଛନ୍ତି । ମହାପ୍ରଭୁ ଜ୍ବରରେ ଆକ୍ରାନ୍ତ ଥିବାବେଳେ ତାଙ୍କର ଉପଚାର କରୁଛନ୍ତି ଦଇତାପତି ସେବାୟତ । ମଙ୍ଗଳବାର ମହାପ୍ରଭୁଙ୍କ ଅଣସର ନୀତିରେ ମହାପ୍ରଭୁଙ୍କ ଶ୍ରୀଅଙ୍ଗ ଫିଟା ଯିବାର ପରମ୍ପରା ରହିଛି ।
ଆଜି ଠାରୁ ମହାପ୍ରଭୁଙ୍କ ଅସୁସ୍ଥ ଶରୀରର ଉପଚାର ଆରମ୍ଭ ହେବ । ବୁଧବାର ଅଣସର ପଞ୍ଚମୀରେ ମହାପ୍ରଭୁଙ୍କ ଶ୍ରୀଅଙ୍ଗରେ ଫୁଲୁରି ତେଲ ଲାଗିର ପରମ୍ପରା ରହିଛି । ବଡ ଓଡ଼ିଆ ମଠରୁ ଏହି ସ୍ବତନ୍ତ୍ର ପ୍ରସ୍ତୁତ ତେଲ ଆସିବ । ଏହା ଲାଗି ଦ୍ବାରା ମହାପ୍ରଭୁ ଧୀରେଧୀରେ ସୁସ୍ଥ ହେବେ । ତେବେ ମହାପ୍ରଭୁ ଅସୁସ୍ଥ ଥିବାବେଳେ ପରମ୍ପରା ଅନୁଯାୟୀ ଅଣସରରେ କ୍ଷୀର, ଛେନା, ସର, ଫଳ ଆଦି ମହାପ୍ରଭୁଙ୍କ ନିକଟରେ ଭୋଗ ହୁଏ । ଅନ୍ୟପଟେ ମହାପ୍ରଭୁଙ୍କ ସ୍ଥାନରେ ପଟି ଦିଅଁ ଶ୍ରୀମନ୍ଦିରରେ ପୂଜା ପାଉଛନ୍ତି । ମହାପ୍ରଭୁ ରତ୍ନ ସିଂହାସନରେ ଥିବାବେଳେ ଯାହା ନୀତିକାନ୍ତି ହୋଇଥାଏ ତାହା ଏବେ ପଟି ଦିଅଁଙ୍କ ନିକଟରେ ପୂଜାର୍ଚ୍ଚନା ଚାଲିଛି ।