ପୁରୀ: ଶ୍ରୀକ୍ଷେତ୍ରରେ ଚାଞ୍ଚଲ୍ୟ । କଡା ସୁରକ୍ଷାବଳୟ ମଧ୍ୟରେ ବି ଶ୍ରୀମନ୍ଦିର ସୁଆର ମହାସୁଆର କାର୍ଯ୍ୟାଳୟରୁ ଚୋରି । ଘଟଣାକୁ 2 ଦିନ ବିତିଯାଇଥିଲେ ବି ମିଳୁନି ଅଭିଯୁକ୍ତର ସୁରାଗ । ଘଟଣାରେ ପୋଲିସ ଜୋରସୋରରେ ଚଲାଇଛି ଛାନବିନ । ରାତି ଅଧରେ କରୁଛି ପେଟ୍ରୋଲିଂ । ତେବେ ଏଠାରେ ଲାଗିଥିବା ସିସି କ୍ୟାମେରାର ଯାଞ୍ଚ ଚାଲିଛି । ଶୀଘ୍ର ଏହାର ତଦନ୍ତ କରି ଚୋର ଙ୍କୁ ଧରାଯିବ ବୋଲି ପୁରୀ ଏସପି କହିଛନ୍ତି ।
ଫୁଟେଜରେ 12ରୁ 13 ବର୍ଷର ଏକ ନାବାଳକ ଏହି କାଣ୍ଡ କରିଥିବା ନେଇ ସନ୍ଦେହ କରାଯାଉଛି । ହେଲେ ଏତେ ଛୋଟ ପିଲାଟି କିଭଳି ଏହି କାଣ୍ଡ ଘଟାଇଲା ତାହା ଏବେ ପ୍ରଶ୍ନ ଉଠିଥିବା ବେଳେ ଏହା ପଛରେ ଏକ ବଡ଼ ଗ୍ୟାଙ୍ଗ କାମ କରୁଥିବା ନେଇ ପୋଲିସ ସନ୍ଦେହ କରୁଛି ।
ଅଧିକ ପଡନ୍ତୁ: ଜୀବନ ଯୁଦ୍ଧର ବୀର ଯୋଦ୍ଧା ସଂଯୁକ୍ତା, ଲୋଡା ଆପଣଙ୍କ ସହାୟତା
ତେବେ ଶ୍ରୀମନ୍ଦିର ଭିତରେ ବିଭିନ୍ନ ସଫେଇ କାର୍ଯ୍ୟ ସହ ମରାମତି କାର୍ଯ୍ୟ ଚାଲୁଥିବା ବେଳେ ଅନେକ ଶ୍ରମିକ କାର୍ଯ୍ୟ କରୁଛନ୍ତି । କିଛି ସିସିଟିଭି ଫୁଟେଜରେ ଅନ୍ୟ କିଛି ସନ୍ଦିଗ୍ଧ ବ୍ୟକ୍ତିଙ୍କ ସୂଚନା ମିଳିଛି । ବିଭିନ୍ନ ଦିଗକୁ ନେଇ ତଦନ୍ତ ଚାଲିଥିବା ବେଳେ ଘଟଣା ପଛରେ ଥିବା ମାଷ୍ଟରମାଇଣ୍ଡକୁ ପୋଲିସ ଧରିବ ବୋଲୀ ପୁରୀ ଏସପି ଦୃଢ଼ୋକ୍ତି ପ୍ରକାଶ କରିଛନ୍ତି ।
ତେବେ ମନ୍ଦିର ଭିତରେ ସୁରକ୍ଷା ବ୍ୟବସ୍ଥା ମଜବୁତ କରିବାକୁ ପୋଲିସ ତତ୍ପର । ଶ୍ରୀମନ୍ଦିର ପୋଲିସ ସହିତ ମିଶି ଭାବେ ମନ୍ଦିର ଭିତରେ ରାତିରେ ପାଟ୍ରୋଲିଂ କରିବାକୁ ବୋଲି ପୁରୀ ଏସପି କହିଛନ୍ତି ।
ତେବେ ଏତେ ସୁରକ୍ଷା ଭିତରେ ଶ୍ରୀମନ୍ଦିରରୁ ଚୋରି ମନ୍ଦିରର ସୁରକ୍ଷା ଓ ପୁରୀ ପୋଲିସର କାର୍ଯ୍ୟ ଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କରିଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
