ପୁରୀ: ସୋମବାର ଠାରୁ ଆରମ୍ଭ ହୋଇଛି ପବିତ୍ର କାର୍ତ୍ତିକ ବ୍ରତ । କାର୍ତ୍ତିକ ବ୍ରତ ପାଇଁ ଉତ୍ସବ ମୁଖର ଶ୍ରୀକ୍ଷେତ୍ର । ରାଇଦାମୋଦର ପୂଜା ପାଇଁ ହଜାର ହଜାର ହବିଷ୍ୟାଳି ଏବେ ଶ୍ରୀକ୍ଷେତ୍ରରେ ପହଞ୍ଚି ସାରିଛନ୍ତି । ତେବେ ଏହି ପବିତ୍ର କାର୍ତ୍ତିକ ବ୍ରତରେ ବାଲୁକାକଳା ମାଧ୍ୟମରେ ଶୁଭେଚ୍ଛା ଜଣାଇଛନ୍ତି ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ପୁରୀ ରେଲୱେ ଷ୍ଟେସନ ଯାତ୍ରୀ ନିବାସରେ ହୋଇଥିବା ହବିଷ୍ୟାଳି ଶିବିରରେ ଏହି ବିଶାଳ ବଲୁକାକଳା କରିଛନ୍ତି ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ବାଲିରେ ମହାପ୍ରଭୁ ଶ୍ରୀଜଗନ୍ନାଥଙ୍କଙ୍କ ପ୍ରତିମା ସହ ତୁଳସୀ ଚଉରାର ପ୍ରତିକୃତି ରହିଛି ଏହି ବାଲୁକାକଳାରେ । ଏହାସହ କାର୍ତ୍ତିକ ମାସ ସମସ୍ତଙ୍କ ପାଇଁ ମଙ୍ଗଳମୟ ହେଉ ବୋଲି ସେ ବାର୍ତ୍ତା ଦେଇଛନ୍ତି ।
ପୁରୀରୁ ଶକ୍ତିପ୍ରସାଦ ମିଶ୍ର, ଇଟିଭି ଭାରତ
