ପୁରୀ: ବାଣ ଭିଡୁଥିବା ବେଳେ ବିସ୍ଫୋରଣ । ଏହି ବିସ୍ଫୋରଣରେ ଜଣଙ୍କର ମୃତ୍ୟୁ ଘଟିଥିବା ସୂଚନା ମିଳିଛି । ମୃତକ ଜଣକ ବାଣ କାରିଗର ରଜତ ପରିଡା । ଚନ୍ଦନପୁର ଥାନା କେରାଣ୍ଡିପୁର ପଞ୍ଚାୟତକମାଶାସନ ଗାଁରେ ଘଟିଛି ଏହି ଅଘଟଣ ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ସୂଚନା ମୁତାବକ, ରଜତ ପେଷାରେ ଜଣେ ଇଲେକ୍ଟ୍ରିସିଆନ ଥିବା ବେଳେ ସେ ବାଣ ମଧ୍ୟ ତିଆରି କରି ବିକ୍ରି କରନ୍ତି । ତେବେ ଆଜି ସକାଳୁ ସେ ବାଣ ଭିଡୁଥିବା ବେଳେ ବିସ୍ଫୋରଣ ଘଟିଥିଲା । ଫଳରେ ସେ ଘଟଣା ସ୍ଥଳରେ ହିଁ ମୃତ୍ୟୁ ବରଣ କରିଥିଲେ । ଶବବ୍ୟବଛେଦ ପାଇଁ ପୁରୀ ମେଡିକାଲକୁ ପଠାଯାଇଥିବା ଜଣା ପଡିଛି ।
ସେପଟେ ବିସ୍ଫୋରଣରେ ରଜତଙ୍କ ଘର ସମେତ ତାଙ୍କ ଘରସହ ଲାଗି ରହିଥିବା ଆଉ ଏକ ଘର ପୋଡିଯାଇଥିଲା । ତେବେ ତୁରନ୍ତ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିବା ସୂଚନା ମିଳିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
