ପୁରୀ: ବେଆଇନ ଦେଶୀମଦ କାରବାର ଅଭିଯୋଗରେ ଜଣେ ଗିରଫ । ପୁରୀ ଡେଲାଙ୍ଗ ଅଞ୍ଚଳରେ ବେଆଇନ ଦେଶୀ ମଦ କାରବାର ବଢିବାର ଲାଗିଛି । ଏନେଇ ପୋଲିସ ଅଭିଯୁକ୍ତ ସଞ୍ଜୟ ସାହୁକୁ ଗିରଫ କରିଛି ।
ଏନେଇ ବିଭିନ୍ନ ମହଲରେ ଅସନ୍ତୋଷ ପରେ ବେଆଇନ ମଦ କାରବାର ଉପରେ କଡା ନଜର ରଖିଛି ପୁରୀ ଡେଲାଙ୍ଗ ପୋଲିସ । ତେବେ ବେଆଇନ ଦେଶୀମଦ କାରବାର ଅଭିଯୋଗକୁ ନେଇ ଡେଲାଙ୍ଗ ପୋଲିସ ପକ୍ଷରୁ ସ୍ତାନୀୟ ଘୋରଡିଆ ଅଞ୍ଚଳର ସଞ୍ଜୟ ସାହୁଙ୍କ ଘରେ ଚଢ଼ାଉ ହୋଇଥିଲା ।
ଚଢାଉ ସମୟରେ ତାଙ୍କ ଘରୁ 50 ଲିଟର ଦେଶୀମଦ ତଥା 40 ବୋତଲ ଆସ୍କା-40 ଜବତ କରିଛି ପୋଲିସ । ଗତ କିଛିଦିନ ହେବ ଅଭିଯୁକ୍ତ ସଞ୍ଜୟ ସାହୁ ବେଆଇନ ଦେଶୀମଦ କାରବାର କରିଆସୁଥିଲା । ତେବେ ପୋଲିସ ଏନେଇ ଚଢାଉ ପରେ ଅଭିଯୁକ୍ତକୁ ଗିରଫ କରାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
