ପୁରୀ: ପିପିଲି ନୂଆଶାସନ ପଞ୍ଚାୟତ ଉପନିର୍ବାଚନରେ ବ୍ୟାପକ ହିଂସାକାଣ୍ଡ । ସରପଞ୍ଚ ଉପନିର୍ବାଚନର ଭୋଟ ଗଣତି ସରିବା ପରେ ଏହି ରାଜନୈତିକ ହିଂସା ସୃଷ୍ଟି ହୋଇଛି । ଯେଉଁଥିରେ ଜଣେ ବୃଦ୍ଧା ଆହତ ହୋଇଛନ୍ତି । ଆହତ ଜଣକ ହେଲେ ଲାବଣ୍ୟ ମହାରଣା । ତାଙ୍କୁ ଚିକିତ୍ସା ପାଇଁ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ପିପିଲି ପଞ୍ଚାୟତ ଉପନିର୍ବାଚନରେ ହିଂସା, ବୃଦ୍ଧା ଆହତ
ସୂଚନାଯୋଗ୍ୟ, ହିଂସାକାଣ୍ଡ ସମୟରେ 10 ରୁ 12 ଜଣ ଦୁର୍ବୃତ୍ତ ବୃଦ୍ଧାଙ୍କ ନାତିଙ୍କୁ ଆକ୍ରମଣ କରିବାକୁ ଆସିଥିଲେ । ସେ ଏହାର ପ୍ରତିବାଦ କରିବାରୁ ଦୁର୍ବୃତ୍ତମାନେ ତାଙ୍କୁ ଆକ୍ରମଣ କରିଥିଲେ । ଏନେଇ ପିପିଲି ଥାନାରେ ଅଭିଯୋଗ ହୋଇଛି । ପୋଲିସ ଘଟଣାରେ ତଦନ୍ତ ଆରମ୍ଭ କରିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
