ପୁରୀ: ଯୁବକଙ୍କୁ ପଥରରେ ଛେଚି ହତ୍ୟା ଅଭିଯୋଗ। ଏଭଳି ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି ଜିଲ୍ଲାର କଣାସ ଥାନା ଅନ୍ତର୍ଗତ ବେଣା ଗାଁରେ। ମୃତକ ଜଣକ ହେଲେ ରଘୁନାଥ ମହାନ୍ତି। ସେ ଉକ୍ତ ଗାଁର ବାସିନ୍ଦା ହୋଇଥିବାବେଳେ ରକ୍ତ ଜୁଡୁବୁଡୁ ଅବସ୍ଥାରେ ଗାଁ ସ୍କୁଲ ନିକଟରୁ ତାଙ୍କ ମୃତଦେହ ଉଦ୍ଧାର କରାଯାଇଛି ।
ଯୁବକଙ୍କୁ ପଥରରେ ଛେଚି ହତ୍ୟା ଅଭିଯୋଗ
ମିଳିଥିବା ସୂଚନାନୁଯାୟୀ, ମୃତକ ରଘୁନାଥ ମହାନ୍ତି ବୁଧବାର ରାତିରେ ଘରୁ ବାହାରକୁ କୌଣସି ଏକ କାର୍ଯ୍ୟରେ ଯାଇଥିଲେ। ତେବେ ସେ ଆଉ ଫେରିନଥିଲେ। ସକାଳୁ ବେଣା ଗାଁର ସ୍କୁଲ ନିକଟରୁ ତାଙ୍କ ମୃତଦେହ ମିଳିଛି । ତାଙ୍କ ମୁଣ୍ଡରୁ ପ୍ରଚୁର ରକ୍ତ ସ୍ରାବ ହେଉଥିବା ନଜରକୁ ଆସିଛି । ତାଙ୍କୁ ସଙ୍ଘ ବଦ୍ଧ ଭାବେ ମିଶି ହତ୍ୟା କରାଯାଇଥିବା ସନ୍ଦେହ କରାଯାଉଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
