ପୁରୀ : ପୁଣି ପେଟ୍ରୋଲ ପମ୍ପକୁ ଟାର୍ଗେଟ କଲେ ଦୁର୍ବୃତ୍ତ । ସୋମବାର ରାତିରେ ପୁରୀ ବଳଙ୍ଗା-ନିମାପଡା ରାସ୍ତାରେ ଥିବା ସାଗର ପେଟ୍ରୋଲ ପମ୍ପରୁଲକ୍ଷାଧିକ ଟଙ୍କା ଲୁଟ ହୋଇଥିବା ଅଭିଯୋଗ ହୋଇଛି।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ପେଟ୍ରୋଲ ପମ୍ପ କର୍ମଚାରୀଙ୍କୁ ଅତର୍କିତ ଆକ୍ରମଣ କରି 3 ଜଣ ଯୁବକ ଟଙ୍କା ଲୁଟି ନେଇଛନ୍ତି। । ଦୁର୍ବୃତ୍ତଙ୍କ ଖଣ୍ଡା ଚୋଟରେ ଦୁଇରୁ ଅଧିକ ପେଟ୍ରୋଲ ପମ୍ପ କର୍ମଚାରୀ ଆହତ ହୋଇଛନ୍ତି। ଘଟଣା ସମ୍ପର୍କରେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଯାଞ୍ଚ କରିଛି ।
ହେଲେ ବର୍ତ୍ତମାନ ସୁଦ୍ଧା ଦୁର୍ବୃତ୍ତଙ୍କ ଟେର ପାଇ ପାରିନାହିଁ ପୋଲିସ । ପିପିଲି ଏସଡିପିଓ ଏବଂ ବଳଙ୍ଗା ପୋଲିସ ସିସିଟିଭି ଫୁଟେଜକୁ ଆଧାର କରି ତଦନ୍ତ ଆରମ୍ଭ କରିଛନ୍ତି ।
ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ
