ପୁରୀ: ପୁରୀ ପୋଲିସ ପକ୍ଷରୁ ନିଶା ବେପାରୀଙ୍କ ଉପରେ ସ୍ପେଶାଲ ଡ୍ରାଇଭ ଚାଲୁ ରହିଛି । ଏହି କ୍ରମରେ ପୁରୀ କୁମ୍ଭାରପଡା ଥାନା ପୋଲିସ ଓ ସଦର ଥାନା ପୋଲିସକୁ ସଫଳତା ମିଳିଛି । କୁମ୍ଭାରପଡା ଥାନା ପୋଲିସ ପକ୍ଷରୁ ଚଢାଉ କରାଯାଇ ବ୍ରାଉନସୁଗାର ବ୍ୟବସାୟୀ ଖୋର୍ଦ୍ଧା ବାସିନ୍ଦା ସମୀର କୁମାର ପ୍ରଧାନକୁ ଗିରଫ କରାଯାଇଛି ।
କୁମ୍ଭାର ପଡା ଥାନା ପୋଲିସର ଚଢାଉ: 7.5 ଗ୍ରାମ ବ୍ରାଉନ ସୁଗାର ଜବତ, 3 ଗିରଫ ଅଭିଯୁକ୍ତଙ୍କ ଠାରୁ ପୋଲିସ 7.5 ଗ୍ରାମ ବ୍ରାଉନସୁଗାର ଜବତ କରିଛି । ସେହିପରି ପୁରୀ ସଦର ଥାନା ପୋଲିସ ବ୍ରାଉନସୁଗାର ବିକ୍ରୀ ଅଭିଯୋଗରେ ନୟାଗଡ଼ର ଲିପିନା ମହାପାତ୍ର ଓ ଖୋର୍ଦ୍ଧା ଲିପ୍ସା ମହାପାତ୍ରକୁ ପୋଲିସ ଗିରଫ କରିଛି । ଏହି ଦୁଇ ଅଭିଯୁକ୍ତ ଠାରୁ 5.24ଗ୍ରାମ ବ୍ରାଉନସୁଗାର ଜବତ ହୋଇଛି । ତେବେ ବ୍ରାଉନସୁଗାର କାରବାର ଆଉ କାହାର ହାତ ରହିଛି ପୋଲିସ ଅଭିଯୁକ୍ତଙ୍କୁ ପଚରାଉଚରା କରୁଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ