ପୁରୀ: କଟକରେ ଜଣଙ୍କ ଜୀବନ ନେବା ସହ ପୁରୀରେ ଜଣେ ଗୁରୁତ୍ତର ହେବା ପରେ ଚେତିଲା ପୁରୀ ଜିଲ୍ଲା ପ୍ରଶାସନ । ପୂର୍ବରୁ ନିଷିଦ୍ଧ ଥିବା ମାରାତ୍ମମକ ମାଞ୍ଜା ସୂତା (chinese manja ) ଏଣିକି ଜିଲ୍ଲାରେ ବିକ୍ରି ହେଲେ ହେବ କଠୋର କାର୍ଯ୍ୟାନୁଷ୍ଠାନ ।
ଘଟଣା ଅନୁସାରେ ଗତକାଲି (ରବିବାର) କଟକ ଜଗତପୁର ପିରବଜାର ଅଞ୍ଚଳରେ ମାଞ୍ଜା ସୂତାରେ ଜଣେ ଯୁବକଙ୍କ ମୃତ୍ୟୁ ହେବା ସହ ରାତିରେ ପୁରୀରେ ଜଣେ ଔଷଧ ଆଣିବା ପାଇଁ ଯାଉଥିବା ବେଳେ ମାଞ୍ଜା ଜାଲରେ ଛନ୍ଦି ହୋଇ ଗୁରୁତ୍ବର ଆହତ ହୋଇଛନ୍ତି ।
ଏହାକୁ ନେଇ ପୁରୀ କୁମ୍ଭାର ପଡା ଥାନାରେ ମାମଲା ରୁଜୁ ହୋଇଥିଲା । ପୋଲିସ ଘଟଣାର ତଦନ୍ତ କରୁଥିବା ବେଳେ ପୁରୀ ଅତିତିକ୍ତ ଏସପି ମିହିର ପଣ୍ଡା କହିଛନ୍ତି ଆଇନ କଡାକଡି ପାଳନ ହେବ ।
ଯେଉଁ ମାନେ ନିଷିଦ୍ଧ ମାଞ୍ଜା ସୂତା ବିକ୍ରି କରୁଛନ୍ତି ସେମାନଙ୍କ ଉପରେ କଡା କାର୍ଯ୍ୟନୁଷ୍ଠାନ ହେବ । ଜନଗହଳି ଅଞ୍ଚଳରେ ଗୁଡି ନ ଉଡେଇବା ନେଇ ସଚେତନ କରାଯିବ। ନୀୟମ ଉଲ୍ଲଘଂନ ହେଲେ ଆଇନ ଅନୁଯାୟୀ ପଦକ୍ଷେପ ନିଆଯିବ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
