ଗୁହାଳରେ ଅଗ୍ନିକାଣ୍ଡ, 2 ଗୋରୁ ଜୀବନ୍ତ ଦଗ୍ଧ

ପୁରୀ କୃଷ୍ଣପ୍ରସାଦ ବ୍ଲକର ସିଆଣ୍ଡି ଗାଁରେ ଅଗ୍ନିକାଣ୍ଡ । ଗାଈ ଗୁହାଳରେ ଅଗ୍ନିକାଣ୍ଡ ଘଟି ୨ଗୋରୁ ମୃତ, ୨୦ରୁ ଉର୍ଦ୍ଧ୍ବ ଗାଈ ବାଛୁରୀ ଗୁରୁତର ଆହତ । ଅଧିକ ପଢନ୍ତୁ

ବ୍ରହ୍ମଗିରି: ଗାଈ ଗୁହାଳରେ ଭୟଙ୍କର ଅଗ୍ନିକାଣ୍ଡ । ୨ଗୋରୁ ମୃତ, ୨୦ରୁ ଊର୍ଦ୍ଧ୍ବ ଗାଈ ବାଛୁରୀ ଗୁରୁତର ଆହତ । ଏଭଳି ଅଭାବନୀୟ ଘଟଣା ଘଟିଛି ପୁରୀ କୃଷ୍ଣପ୍ରସାଦ ବ୍ଲକର ସିଆଣ୍ଡି ଗାଁରେ । ବିଦ୍ୟୁତ ସର୍ଟସର୍କିଟ ଯୋଗୁଁ ଗୁହାଳରେ ନିଆଁ ଲାଗିଥିବା ଜଣାପଡ଼ିଛି ।

ସୂଚନାଅନୁଯାୟୀ ସର୍ଟସର୍କିଟ ଯୋଗୁଁ ସିଆଣ୍ଡି ଗ୍ରାମର ଜିତେନ୍ଦ୍ର ଦଳବେହେରାଙ୍କ ଗୁହାଳରେ ଆଜି ନିଆଁ ଲାଗିଯାଇଥିଲା । ଏନେଇ ଖବର ପାଇ ଘଟଣା ସ୍ଥଳରେ ମାଲୁଦ ଅଗ୍ନିଶମ ବିଭାଗ ପହଁଚି ନିଆଁକୁ ଆୟତ୍ତ କରିଥିଲା । ତେବେ ଅଗ୍ନିକାଣ୍ଡରେ ହୋଇଥିବା କ୍ଷୟକ୍ଷତି ଆକଳନ କରି କ୍ଷତି ପୂରଣ ଦେବା ପାଇଁ ଗ୍ରାମବାସୀ ଦାବି କରିଛନ୍ତି ।

ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ