ପୁରୀ: ଚଳିତ ସାଧାରଣ ନିର୍ବାଚନରେ ପୁରୀ ସଂସଦୀୟ କ୍ଷେତ୍ରକୁ ନେଇ ଜୋରଦାର ଚର୍ଚ୍ଚା ଚାଲିଛି । କାରଣ ଏହି ଆସନରୁ ବିଜେପି ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ରଙ୍କୁ ପ୍ରାର୍ଥୀ କରିଛି । ତାଙ୍କ ବିରୁଦ୍ଧରେ ନିର୍ବାଚନ ଆଚରଣ ବିଧି ଉଲଘଂନ କରିଥିବା ଅଭିଯୋଗ ଆସିଛି । ପୁରୀ ସମୁଦ୍ର କୂଳ ଥାନାରେ ତାଙ୍କ ନାମରେ ମାମଲା ରୁଜୁ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ପୁରୀ ସଦର ଫ୍ଲାଇଂସ୍ୱାର୍ଡ ଅଧିକାରୀ ବିଜୟ ଜେନା ସମ୍ବିତଙ୍କ ନାମରେ ମାମଲା ରୁଜୁ କରିଛନ୍ତି । କେସ୍ ନମ୍ବର 62/2019 ଅନୁଯାୟୀ ଧର୍ମୀୟ ଭାବନାକୁ ନେଇ ବାରମ୍ବାର ମନ୍ତବ୍ୟ ଦେବା ଆଧାରରେ ଏହି ଏତଲା ରୁଜୁ କରାଯାଇଛି ।
ସମ୍ବିତଙ୍କ ପ୍ରଚାର ବସରେ ଲେଖା ହୋଇଛି ‘ଜଗନ୍ନାଥ ମତେ ଡାକିଲେ ଓ ମୋଦି ମତେ ପଠାଇଲେ’ । ଯାହାକୁ ଆଧାର କରି ଏହି ଏତଲା ରୁଜୁ ହୋଇଛି । ତେବେ ଏନେଇ ତଦନ୍ତ ଆରମ୍ଭ ହୋଇଥିବା କଥା କହିଛନ୍ତି ପୁରୀ ଏସପି ।
ପୁରୀରୁ ଶକ୍ତି ମିଶ୍ର, ଇଟିଭି ଭାରତ
