ବ୍ରହ୍ମଗିରି: ଲଘୁଚାପ ଜନିତ ବର୍ଷା ଯୋଗୁଁ ବିଲରେ ପାଣି ହୋଇ ଧାନ ଫସଲ ବୁଡିଯାଇଛି । ଫଳରେ ପାଚିଲା ଧାନ ଗୁଡିକ ଗଜା ହୋଇଯାଇଛି। ଋଣ କରି ଚାଷ କରିଥିବା ବ୍ରହ୍ମଗିରିର ଚାଷୀ ଏବେ ମୁଣ୍ଡରେ ହାତଦେଇ ବସିଛି।
ଗତ 3ଦିନ ଧରି ଲଗାଣ ବର୍ଷା ଯୋଗୁଁ ବ୍ରହ୍ମଗିରି ଅଞ୍ଚଳରେ ବ୍ୟାପକ ଫସଲ ନଷ୍ଟ ହୋଇଛି । ଫସଲ ପାଚିଲା ସମୟରେ ହଠାତ୍ ବର୍ଷା ଫସଲ ଧୋଇ ହୋଇଯାଇଥିବା ଦେଖି ଚିନ୍ତାରେ ଚାଷୀକୂଳ । ଏପଟେ ଫନି ବାତ୍ୟାରେ ସରକାର ସହାୟତା ଦେବେ କହି ଆଜି ପର୍ଯ୍ୟନ୍ତ ଠକି ଚାଲିଛନ୍ତି । ତେବେ ଫସଲ ଗଜା ହୋଇଯାଇଥିବାରୁ କିପରି ସେମାନେ ବଞ୍ଚିବେ ବୋଲି ଚାଷୀ ପ୍ରଶ୍ନ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ପୁରୀ
ସେପଟେ ଆଗକୁ ବର୍ଷା ଥିବାରୁ ସରକାର ଆମ ଦୁଃଖ ନ ବୁଝିଲେ ବିଲରେ ଆତ୍ମହତ୍ୟା କରିବେ ବୋଲି ଚେତାବନୀ ଦେଇଛନ୍ତି ।
ବ୍ରହ୍ମଗିରି ଦେବାଶିଷ ଦାସ, ଇଟିଭି ଭାରତ
