ପୁରୀ: ଶ୍ରୀମନ୍ଦିର ସିଂହଦ୍ବାର ନିକଟରେ ଅଘଟଣ । ସିଂହଦ୍ବାର ଗୁମୁଟରୁ ଡେଇଁ ଆଜି(ରବିବାର) ଜଣେ କିନ୍ନରଙ୍କ ମୃତ୍ୟୁ ଘଟିଛି। ତାଙ୍କ ମୁଣ୍ଡରେ ଗଭୀର ଆଘାତ ଲାଗିବା ପରେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।
ଶ୍ରୀମନ୍ଦିରରେ ଅଘଟଣ: ସିଂହଦ୍ବାର ଗୁମୁଟରୁ ଡେଇଁ କିନ୍ନର ମୃତ
ଏହି ଘଟଣା ଅପରାହ୍ନ 3ଟାରେ ଘଟିଛି । ମୃତ କିନ୍ନରଙ୍କ ନାମ ବଳରାମ ରାଉତ ହୋଇଥିବା ବେଳେ ସେ ନିମାପଡା ଅଞ୍ଚଳର ବୋଲି ସୂଚନା ମିଳିଛି ତେବେ ସେ କାହିଁକି ଓ କେମିତି ଗୁମୁଟ ଉପରକୁ ଚଢିଲେ ଏ ସମ୍ପର୍କରେ ଜଣାପଡିନାହିଁ । ଶ୍ରୀମନ୍ଦିରରେ କଡା ନିରାପତ୍ତା ଵ୍ୟଵସ୍ଥା ସତ୍ତ୍ବେ ଏଭଳି ଅଘଟଣ ଘଟିବା ସାଧାରଣରେ ବିସ୍ମୟ ସୃଷ୍ଟି କରିଛି । ଗୁମୁଟ ଉପରୁ ଡେଇଁ ଗୁରୁତର ଆହତ କିନ୍ନରଙ୍କୁ ପୋଲିସ ପୁରୀ ମେଡ଼ିକାଲରେ ପ୍ରଥମେ ଭର୍ତ୍ତି କରିଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ଜଣାପଡ଼ିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
