ପୁରୀ: ଚର୍ଚ୍ଚାରେ ଦଇତାପତି ପ୍ରେମାନନ୍ଦ ଦାସମହାପତ୍ର । ଦେବଦଳନ ରଥ ଉପରେ ସୁଦର୍ଶନ ମହାପ୍ରଭୁଙ୍କୁ ଦଇତାପତି ଆଉଜି ବିଶ୍ରାମ ନେଇଥିବା ଫଟୋଟି ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।
ଏହା ରଥଯାତ୍ରା ସମୟର ଫଟୋ ହୋଇଥିଲେ ବି ଏବେକାର ଫଟୋ କି ପୁରୁଣା ଫଟୋ ତାହା ସ୍ପଷ୍ଟ ହୋଇନାହିଁ । ପ୍ରକୃତରେ ଯଦି ସୁଦର୍ଶନ ମହାପ୍ରଭୁଙ୍କୁ ଆଉଜି ବିଶ୍ରାମ ନେଉଥିବେ ତାହା ଆଦୌ ଗ୍ରହଣୀୟ ନୁହେଁ ବୋଲି ଅନେକ ମତ ଦେଉଛନ୍ତି । ଏଭଳି ଫଟୋ ଜଗନ୍ନାଥ ପ୍ରେମିଙ୍କ ମନରେ ଆଘାତ ଦେଇଛି ।
ସୋସିଆଲ ମିଡିଆରେ ଏହାକୁ ନେଇ ବେଶ୍ ଚର୍ଚ୍ଚା ଚାଲିଛି । ତେବେ ଶ୍ରୀମନ୍ଦିର ପ୍ରଶାସନ ଏଭଳି ଫଟୋ ଭାଇରାଲକୁ ନେଇ କିଭଳି ଆଭିମୁଖ୍ୟ ଗ୍ରହଣ କରିବ ତାହାକୁ ଭକ୍ତ ସମାଜ ଅପେକ୍ଷା କରିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
