ପୁରୀ : ଦେଶରେ ଏବେ ବି କୋଭିଡ ସଂକ୍ରମଣ ଆଶଙ୍କା କମିନାହିଁ । ବ୍ରିଟେନରେ ଯେଉଁଭଳି ଭାବେ ପୁଣି କୋଭିଡ ଭୂତାଣୁର ନୂଆ ଧରଣର ସଂକ୍ରମଣ ଆରମ୍ଭ ହୋଇଛି, ଭାରତରେ ମଧ୍ୟ ଅନୁରୂପ ପରିସ୍ଥିତି ଉପୁଜିପାରେ । ଏଥିପାଇଁ ସାରା ଦେଶବାସୀ ସତର୍କ ହେବା ଦରକାର । ଏନେଇ ଲୋକଙ୍କୁ ସଚେତନ ବାର୍ତ୍ତା ଦେଇଛନ୍ତି ବାଲୁକା ଚିତ୍ରଶିଳ୍ପୀ ସୁଦର୍ଶନ ପଟ୍ଟନାୟକ ।
ବାଲୁକା ଚିତ୍ର ମାଧ୍ୟମରେ କୋରୋନା ସଚେତନ ବାର୍ତ୍ତା
ପୁରୀର ସ୍ୱର୍ଣ୍ଣାଭି ବେଳାଭୂମିରେ ଏହି ସଚେତନବାର୍ତ୍ତା ବହନ କରୁଥିବା ଏକ ସୁନ୍ଦର ବାଲୁକା ଚିତ୍ର ପ୍ରଦର୍ଶିତ ହୋଇଛି । ବାରମ୍ବାର ହାତ ଧୋଇବା, ସର୍ବଦା ମାସ୍କ ପନ୍ଧିବା ଏବଂ ପରସ୍ପର ଠାରୁ ସାମାଜିକ ଦୂରତା ବଜାୟ ରଖିବା ଭଳି 3 ସୁତ୍ରୀ ସଚେତନ ବାର୍ତ୍ତା ରହିଛି ଏହି ବାଲୁକା ଚିତ୍ର କଳାରେ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
