chief secretary pradip kumar jena
ପୁରୀ: ପାଖେଇ ଆସୁଛି କାଳିଆ ସାଆନ୍ତେଙ୍କ ଘୋଷଯାତ୍ରା । ଏନେଇ ମହାପ୍ରଭୁଙ୍କ ନବ ଯୌବନ ଦର୍ଶନ ଓ ରଥଯାତ୍ରା କିଭଳି ଶୃଙ୍ଖଳିତ ଭାବେ ଆୟୋଜନକୁ ନେଇ ସମୀକ୍ଷା କରିଛନ୍ତି ମୁଖ୍ୟ ଶାସନ ସଚିବ ପ୍ରଦୀପ କୁମାର ଜେନା । ପୁରୀ ଗସ୍ତରେ ଆସି ସେ ସମୀକ୍ଷା କରିଛନ୍ତି । ବିଭିନ୍ନ ସେବାୟତ ନିଯୋଗ, ପୋଲିସ୍ ଡିଜି, ପୁରୀ ଜିଲ୍ଲାପାଳଙ୍କ ସହ ମୁଖ୍ୟ ଶାସନ ସଚିବ ଏକ ସମୀକ୍ଷା ବୈଠକ କରିଛନ୍ତି ।
ତେବେ ମହାପ୍ରଭୁଙ୍କ ନବ ଯୌବନ ଦର୍ଶନ ଓ ରଥ ଯାତ୍ରା ଦିନ କିଭଳି ନୀତିକାନ୍ତି ନିର୍ଦ୍ଧାରତ ସମୟ ପୁର୍ବରୁ ସହଳ ହୋଇ ପାରିବ ସେ ନେଇ ବୈଠକ ରେ ଆଲୋଚନା ହୋଇଛି । ଏଥିସହ ପାଳିଆ ସେବାୟତ ମାନେ ନିଜର ନୀତି ପୂର୍ବରୁ ଆସି କିଭଳି ସ୍ଥାନରେ ପହଞ୍ଚି ପାରିବେ ସେ ନେଇ ବୈଠକରେ ଆଲୋଚନା ହୋଇଯାଇଛି । ତେବେ ଯେତେ ପ୍ରସ୍ତୁତି ହେଲେ ମଧ୍ୟ ମହାପ୍ରଭୁଙ୍କ ଇଚ୍ଛା ବିନା କୌଣସି କାର୍ଯ୍ୟ ସଠିକ୍ ସମୟରେ ହୋଇ ପାରିବନି । ଏଣୁ ସବୁ କିଛି ଠିକ୍ ସମୟରେ ହେବା ପାଇଁ ସେ ମହାପ୍ରଭୁଙ୍କୁ ପ୍ରାର୍ଥନା କରୁଥିବା ମୁଖ୍ୟ ଶାସନ ସଚିବ କହିଛନ୍ତି ।
