ପୁରୀ: ଧାର୍ମିକ ଓ ଆଧ୍ୟାତ୍ମିକ ସହର ପୁରୀକୁ ସମ୍ପୂର୍ଣ୍ଣ ନିଶାମୁକ୍ତ କରିବା ପାଇଁ ଆରମ୍ଭ ହୋଇଛି ପ୍ରୟାସ । ମିଳିତ ଓଡିଶା ନିଶା ନିବାରଣ ମଞ୍ଚ ଓ ପୁରୀ ନିଶାମୁକ୍ତ ଅଭିଯାନ ପକ୍ଷରୁ ଏହି ପ୍ରଚେଷ୍ଟା କରାଯାଇଛି । ଭାରତବର୍ଷର କିଛି ରାଜ୍ୟ ଓ ସହରକୁ ନିଶାମୁକ୍ତ କରାଯାଇଥିବା ବେଳେ ପୁରୀରେ ଦିନକୁ ଦିନ ମଦ, ଧଳା ଜହର, କୋରେକ୍ସ, ଗଞ୍ଜେଇ କାରବାର ବୃଦ୍ଧି ପାଇଚାଲିଛି । ପ୍ରଥମ ପର୍ଯ୍ୟାୟରେ ପୁରୀ ସହରକୁ ଗୁଟଖା ମୁକ୍ତ କରିବା ପାଇଁ ସଂଗଠନ ପକ୍ଷରୁ ଜିଲ୍ଲାପାଳଙ୍କୁ ଦାବୀପତ୍ର ଦିଆଯିବ।
ରାଜ୍ୟ ସରକାର ରାଜ୍ୟରେ ଗୁଟଖା ଓ ତମାଖୁଜାତ ପଦାର୍ଥ ସମ୍ପୂର୍ଣ୍ଣ ବ୍ୟାନ କରିଥିଲେ ମଧ୍ୟ ଏବେ ବି ଖୁଲମଖୁଲା ଏହା ବିକ୍ରି ହେଉଛି । ଉତ୍ତରପ୍ରଦେଶ, ହରିଦ୍ୱାର ଭଳି ବିଭିନ୍ନ ସ୍ଥାନରେ ମଦ ଓ ଅନ୍ୟାନ୍ୟ ନିଶା ସମ୍ପୂର୍ଣ୍ଣ ବନ୍ଦ ହୋଇଥିବା ବେଳେ ସଂସ୍କୃତି ଓ ଧର୍ମର ସହର ଶ୍ରୀକ୍ଷେତ୍ରରେ ଏହା ସମସ୍ତଙ୍କ ସହଯୋଗରେ ସମ୍ପୂର୍ଣ୍ଣ ନିଶା ନିବାରଣ କରାଯାଇପାରିବ ବୋଲି ଅୟୋଜିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି । ତେବେ ଏହି କାର୍ଯ୍ୟକ୍ରମରେ ପୁରୀ ସହରବାସୀ ସାମିଲ ହେବାକୁ ସଂଗଠନ ପକ୍ଷରୁ ଆହ୍ୱାନ ଦିଆଯାଇଛିଷ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
