ପୁରୀ: ବ୍ରାଉନ ସୁଗର କବଳରେ ରାଜ୍ୟର ଯୁବଗୋଷ୍ଠୀ । ଆଜି ବ୍ରାଉନ ସୁଗର ବେପାର କରୁଥିବା ଅଭିଯୋଗରେ ଜଣେ ଛାତ୍ରଙ୍କ ସହ 2ଜଣଙ୍କୁ ଗିରଫ କରିଛି ପୋଲିସ । ନିମାପଡା ଜୟଶ୍ରୀ ହଲ ଛକରୁ ଅବକାରୀ ବିଭାଗ ଚଢାଉ କରି ବ୍ରାଉନ ସୁଗାର ସହ ଗିରଫ କରିଛି । ଜବତ ହୋଇଥିବା 24 ଗ୍ରାମ ବ୍ରାଉନ ସୁଗାରର ବଜାର ମୁଲ୍ୟ 2 ଲକ୍ଷ 40 ହଜାର ଟଙ୍କା ହେବ ବୋଲି ଜଣାପଡିଛି । ଗିରଫ ହୋଇଥିବା 2ଜଣଙ୍କ ମଧ୍ୟରୁ ଜଣେ ଏସସିଏସ କଲେଜର ଛାତ୍ର ଶାନ୍ତନୁ କୁମାର ଦାସ ଓ ଅନ୍ୟ ଜଣେ ସତ୍ୟ ରଞ୍ଜନ ଦାଶ ।
ତେବେ ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି ଗିରଫ ହୋଇଥିବା କଲେଜ ଛାତ୍ର ଶାନ୍ତନୁଙ୍କ ବାପା ଓ ମା ପୁରୀ ପୋଲିସ ବିଭାଗରେ କାର୍ଯ୍ୟରତ ଅଛନ୍ତି । ଗିରଫ ହୋଇଥିବା ଦୁଇ ଜଣ ନିମାପଡାରେ ଦୀର୍ଘ ଦିନ ହେବ ବ୍ରାଉନ ସୁଗାର ବେପାର କରୁଥିଲେ ବୋଲି ଜଣାପଡିଛି । ପୁରୀ ଜିଲାପାଳଙ୍କ ନିର୍ଦ୍ଦେଶରେ ଅବକାରୀ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରାଯାଉଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
