ଢେଙ୍କାନାଳ: ଜିଲ୍ଲା ଭୁବନରେ ଏକ ଅଭିନବ ଢଙ୍ଗରେ ଅମାନିଆଙ୍କୁ ସଡକ ସୁରକ୍ଷା ସମ୍ପର୍କରେ ସଚେତନତା କରାଯାଇଛି । ଭୁବନ ଉଚ୍ଚ ବିଦ୍ୟାଳୟର ୧୯୯୧ ମାଟ୍ରିକ ବ୍ୟାଚ୍ ପକ୍ଷରୁ ଟ୍ରାଫିକ ନିୟମ ମାନୁନଥିବା ଅମାନିଆଙ୍କୁ ପ୍ଲାକାର୍ଡ ଓ ମାନୁଥିବା ଲୋକଙ୍କୁ ଗୋଲାପ ଫୁଲ ଦେଇ ସଡକ ସୁରକ୍ଷା ଓ ଗାଡି ଚାଳନା ସମ୍ପର୍କରେ ସଚେତନ ସୃଷ୍ଟି ହୋଇଛି ।
ଅମାନିଆଙ୍କୁ ପ୍ଲା କାର୍ଡ, ନିୟମ ପାଳନକାରୀଙ୍କୁ ଗୋଲାପ
ଭୁବନ କାଳୀବଜାରଠାରେ ଗାଡି ଚାଳକମାନଙ୍କୁ ଅଟକାଇ ସରକାରଙ୍କର ସଡକ ସୁରକ୍ଷା ଆଇନ ବିଷୟରେ ଅବଗତ କରାଯାଇଛି । ଯେଉଁମାନେ ହେଲମେଟ୍ ଓ ସିଟ୍ ବେଲ୍ଟ ବ୍ୟବହାର କରିଥିଲେ ସେମାନଙ୍କୁ ଗୋଲାପ ଫୁଲ ଦେଇ ଶୁଭେଚ୍ଛା ଜଣାଯିବା ସହ ଯେଉଁମାନେ ଏସବୁ ବ୍ୟବହାର କରିନଥିଲେ ସେମାନଙ୍କୁ ସଡକ ସୁରକ୍ଷାର ଲିପ ପ୍ଲେଟ ଓ ପ୍ଲାକାର୍ଡ ଧରାଇ ଦେଇ ସଚେତନତା କରାଯାଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
