ପୁରୀ: ଶ୍ରୀକ୍ଷେତ୍ରରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ । ନିକଟରେ ଓଡିଶା ଗସ୍ତରେ ଆସି ନିର୍ବାଚନ ପ୍ରଚାର କରି ଯାଇଥିବା ଅମିତ ପୁଣି ରାଜ୍ୟ ଗସ୍ତରେ ଆସିଛନ୍ତି । ଏଥର ପୁରୀରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିଛନ୍ତି ଅମିତ ।
ଏକ କାରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଲୋକସଭା ପ୍ରାର୍ଥୀ ସମ୍ବିତ ପାତ୍ରଙ୍କ ସହ ପୁରୀରେ ପହଞ୍ଚିଥିଲେ ଅମିତ । ପହଞ୍ଚିବା ପରେ ପ୍ରଥମେ ମହାପ୍ରୁଭଙ୍କ ଦର୍ଶନ କରି ଆଶୀର୍ବାଦ ନେଇଥିଲେ । ଏହା ପୂର୍ବରୁ ମନ୍ଦିର ବାହାରେ ସେ ଆଳତୀ କରିଥିଲେ । ତେବେ ଶ୍ରୀଜୀଉଙ୍କ ଦର୍ଶନ ପରେ ଆରମ୍ଭ ହୋଇଥିଲା ବିଜେପିର ବିଶାଳ ଶୋ । ଦଳର ପୁରୀ ଲୋକସଭା ପ୍ରାର୍ଥୀ ସମ୍ବିତ ପାତ୍ରଙ୍କ ଷ୍ଟାର ପ୍ରଚାରକ ଭାବେ ପ୍ରଚାରର ମଙ୍ଗ ଧରିଥିଲେ ରାଷ୍ଟ୍ରୀୟ ଅଧ୍ୟକ୍ଷ । ଆଉ ବିଜେପି ପ୍ରଦର୍ଶନ କରିଥିଲା ନିଜ ଶକ୍ତି ।
ଅମିତଙ୍କୁ ସ୍ବାଗତ ପାଇଁ ବିଜେପି ବିଶାଳ ଆୟୋଜନ କରିଥିଲା । ଢୋଲ, ବାଦ୍ୟ, ମାଦଳ, ମାଇକ୍ ଦ୍ବାରା ବିଜେପି କର୍ମୀ ଜୋରସୋରରେ ପ୍ରଚାର ଚଲାଇଥିଲେ । ଅମିତ ପହଞ୍ଚିବା ପରେ ‘ଅମିତ ଶାହ ସ୍ବାଗତମ’, ‘ବିଜେପି ଜିନ୍ଦାବାନ୍ଦ’, ‘ମୋଦି ମୋଦି’ ଆଦି ନାରାରେ କମ୍ପି ଉଠିଥିଲା ପରିବେଶ । ରାଲି ଓ ବିଶାଳ ଶୋଭାଯାତ୍ରାରେ ବିଜେପି ସମର୍ଥକଙ୍କ ସହ ଏକ ଖୋଲା ଗାଡିରେ ଅମିତଙ୍କ ସହ ସମ୍ବିତ ପାତ୍ର ଏବଂ ଧର୍ମେନ୍ଦ୍ର ପ୍ରଧାନ ସାମିଲ ହୋଇଥିଲେ ।
-
#WATCH Bharatiya Janata Party President, Amit Shah campaigns for BJP MP candidate from Puri, Sambit Patra; Union Minister and BJP leader Dharmendra Pradhan also present #Puri #Odisha pic.twitter.com/wbsJZ4bXGs
— ANI (@ANI) April 9, 2019 " class="align-text-top noRightClick twitterSection" data="
">#WATCH Bharatiya Janata Party President, Amit Shah campaigns for BJP MP candidate from Puri, Sambit Patra; Union Minister and BJP leader Dharmendra Pradhan also present #Puri #Odisha pic.twitter.com/wbsJZ4bXGs
— ANI (@ANI) April 9, 2019#WATCH Bharatiya Janata Party President, Amit Shah campaigns for BJP MP candidate from Puri, Sambit Patra; Union Minister and BJP leader Dharmendra Pradhan also present #Puri #Odisha pic.twitter.com/wbsJZ4bXGs
— ANI (@ANI) April 9, 2019
ଉଲ୍ଲେଖଯୋଗ୍ୟ ଯେ ଆସନ୍ତା ଏପ୍ରିଲ ୨୩ରେ ତୃତୀୟ ପର୍ଯ୍ୟାୟ ନିର୍ବାଚନରେ ପୁରୀ ଲୋକସଭା ଆସନ ପାଇଁ ମତଦାନ ହେବ ।
ପୁରୀରୁ ଶକ୍ତିପ୍ରସାଦ ମିଶ୍ର, ଇଟିଭି ଭାରତ
