ପୁରୀ: ରବିବାରଠୁ ଉଚ୍ଛେଦ ପ୍ରକ୍ରିୟା ବନ୍ଦ ଥିବାବେଳେ ପୁରୀ ଜିଲ୍ଲା ପ୍ରଶାସନ ପୁଣି ଉଚ୍ଛେଦ ଅଭିଯାନ ଜୋରଦାର କରିଛି । ଆଜି ସକାଳୁ ଶ୍ରୀମନ୍ଦିର ନିକଟରେ ଥିବା ଖଜାପଟ୍ଟିରେ ଉଚ୍ଛେଦ ପ୍ରକ୍ରିୟା ପୁଣି ଆରମ୍ଭ ହୋଇଛି ।
ତେବେ ସୂଚନାନୁଯାୟୀ, ଏଠାରେ ଏକାଧିକ ପ୍ରସିଦ୍ଧ ଖଜା ଦୋକାନ ରହିଥିଲା । ପ୍ରଶାସନର ଉଚ୍ଛେଦ ନୋଟିସ ପରେ ଦୁଇ ଦିନ ପୂର୍ବରୁ ଦୋକାନୀ ଜାଗା ଛାଡିଛନ୍ତି । ବ୍ୟାପକ ପୋଲିସ ଫୋର୍ସ ଉପସ୍ଥିତିରେ ଏହି ଉଚ୍ଛେଦ କାର୍ଯ୍ୟ ଚାଲିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ପୁରୀ
ଶ୍ରୀମନ୍ଦିର 75 ମିଟର ସୁରକ୍ଷା ଜୋନରେ ଥିବା ସମସ୍ତ କୋଠା ବାଡ଼ି ଉଚ୍ଛେଦ ହେବ ବୋଲି ପୂର୍ବରୁ ଜିଲ୍ଲା ପ୍ରଶାସନ ସ୍ପଷ୍ଟ କରିଦେଇଛି । ଏବେ ସୁଦ୍ଧା, ଲଙ୍ଗୁଳି ମଠ, ଏମାର ମଠ ଆଦି ଉଚ୍ଛେଦ ହୋଇସାରିଥିବାବେଳେ ବଡ ଆଖଡା ମଠ ଉଚ୍ଛେଦ ନେଇ ବିବାଦ ଲାଗି ରହିଛି । ପାର୍ବଣର ମାହୋଲ ଥିବା ହେତୁ ରବିବାରଠୁ ଉଚ୍ଛେଦ କାର୍ଯ୍ୟ ବନ୍ଦ ଥିଲା ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
